Kursi bazë 4: Si paraqitet sistemi i Kombeve të Bashkuara

Kombet e Bashkuara u krijuan në vitin 1945, për "të ruajtur brezat e ardhshëm nga kamxhiku luftës", sikurse përshkruhet edhe në fjalinë e parë të famshme të Kartës së OKB-së detyra kryesore e kësaj organizate të re. Këtu me paqe kuptohej jo vetëm mungesa e luftës, por përfshiheshin edhe - në sensin e një koncepti pozitiv për paqen - çështje të zhvilllimit dhe drejtësisë ndërkombtare. Kështu nxitja e zhvillimit ekonomik dhe social bënte pjesë që në fillim në fushat e detyrave të kësaj organizate botërore [në lidhje me detyrat dhe qëllimet shih Kursin bazë 1].

Që të mund të realizojë këtë spektër të gjerë detyrash, Karta parashikon, që Organet kryesore të Kombeve të Bashkuara të krijojnë edhe organe dytësore dhe speciale dhe, që ato së bashku me organizata të tjera, të mund të bashkëpunojnë për realizimin e objektivave të vëna. Ky parim ka gjetur zbatim intensiv në gjashtë organet kryesore, që përbëjnë edhe thelbin e Organizatës së Kombeve të Bashkuara. Kështu, me kalimin e kohës, përreth kësaj bërthame lindi një rrjet i dallueshëm qartë organesh dhe bashkëpunimesh, të cilët njihen me termin  Sistem i Kombeve të Bashkuara. Gareis dhe Varwick e grupojnë elementet e këtij sistemi në dy kategori:

Përveç këtyre, sikurse bëhet e qartë edhe nëpërmjet diagramës, ka edhe lidhje të shumëllojshme me ekonominë (para së gjithash meGlobal Players, p.sh. në kuadër të "Global Compact"), me shkencën dhe me shoqërinë civile ndërkombtare: Në Këshillin Ekonomik dhe Social janë rregjistruar më shumë se 1.500 NGO (Organizata Joqeveritare)! "Sistemi i Kombeve të Bashkuara i lindur në këtë mënyrë është një strukturë dinamike, të cilën është vërtet vështirë ta kufizosh në mënyrë të arsyeshme, ku edhe për ekspertët është pothuajse e pamundur për të patur një vështrim të plotë gjithëpërfshirës mbi veprimtaritë e tejetdegëzuara."

[nga: Sven Gareis/Johannes Varwick, Kombet e Bashkuara. Detyrat, instrumentat dhe reformat; Zyra Federale Qendrore Seri shkrimesh vëll.403, Bonn 2003, F. 35]

Fragmente të tjera në kuadrin e Kursit Bazë 4:

[Autor: Ragnar Müller]

[Kreu i faqes]