Gjykata Ndërkombëtare e Kombeve të Bashkuara

Gjykata Ndërkombëtare është organi kryesor i vetëm, i cili nuk e ka selinë në New York, po në Hagë. Ai është organi i drejtësisë së Kombeve të Bashkuara, i përbërë nga 15 gjykatës të pavarur.

Me kompetencat e Gjykatës Ndërkombëtare merret, nga njëra anë, Kapitulli XIV i Kartës së OKB-së, nga ana tjetër ato janë të përcaktuara në statutin e saj, që është edhe një pjesë përbërëse integrale e Kartës. Kjo do të thotë, se çdo shtet, që bëhet anëtar i Kombeve të Bashkuara, bëhet në të njëjtën kohë edhe palë kontraktore e Gjykatë Ndërkombëtare. Gjykata Ndërkombëtare dallon në thelb nga gjykatat "normale". Kjo duket qartë në faktin, që përpara Gjykatës Ndërkombëtare lejohen të dalin si palë vetëm Shtetet. Edhe më i rëndësishëm është fakti, që shtetet duhet t'i nënshtrohen paraprakisht juridiksionit të Gjykatës Ndërkombëtare:

"... Karakteri komunitar i së drejtës ndërkombëtare (kërkon),  që nënvendosja përkundrejt një gjykate ndërkombëtare të paraprihet nga marrëveshja përkatëse mes palëve. Nëse në një rast të tillë mungon gatishmëria qoftë edhe e një shteti të vetëm, atëherë Gjykata ndërkombtare nuk mund të veprojë. Po ashtu, nëse vendimet e Gjykatës Ndërkombëtare janë të detyrueshme vetëm për palët e prekura në konfliktin-objekt të procesit gjyqësor, atëherë jurisprudenca e saj nuk ka një efekt të përgjithshëm."

[nga: Sven Gareis/Johannes Varwick, Kombet e Bashkuara. Detyrat, instrumentat dhe reformat; Zyra Federale Qendrore  për edukimin politik, Seria e shkrimeve vëll. 403, Bonn 2003, F. 56]

Këto kushte të vështira pune kanë ushtruar ndikimin e tyre, që Gjykata Ndërkombëtare nuk mundi të luante një rol të rëndësishëm në kuadrin e detyrës kryesore të Kombeve të Bashkuara, garantimit të paqes dhe sigurisë ndërkombtare. Gjykata Ndërkombëtare, ashtu sikurse paraardhësja e vet, Gjykata e Përhershme Ndërkombtare e Lidhjes së Popujve, nuk mundi të realizonte me sukses idenë bazë dhe tradisionale, sipas së cilës konfliktet mes shteteve duhet të zgjidhen nga një Gjykatë Ndërkombëtare dhe jo në fushën e betejës.

Një bilanc të ngjashëm bëjnë edhe Gareis dhe Varwick: "Me 65 sentenca në më tepër se pesë dekada Gjykata Ndërkombëtare nukka luajtur ndonjë rol aktiv në politikën ndërkombëtare, por me vendimet dhe 23 vlerësimet e saj juridike në fushat, që janë objekt i trajtimit të saj, ka dhënë një kontribut shembullor në zhvillimin e mëtejshëm të së drejtës ndërkombëtare."

[nga: Sven Gareis/Johannes Varwick, Kombet e Bashkuara. Detyrat, instrumentat dhe reformat; Zyra Federale Qendrore për edukimin politik, Seria e shkrimeve vëll. 403, Bonn 2003, F. 56]

Faqe të tjera mbi organet kryesore të OKB-së:

[Autor: Ragnar Müller]

[Kreu i faqes]