Këshilli Ekonomik dhe Social (ECOSOC) i Kombeve të Bashkuara

ECOSOC, së bashku me Asamblenë e Përgjithshme, është përgjegjës për detyrat e përshkruara në kapitullin IX të Kartës së OKB-së. Sipas nenit 63, ai mund të veprojë në fushat e mëposhtme: ekonomi, çështje sociale, shëndetësi, arsim, kulturë dhe sektorë të ngjashëm. Ai mund të cilësohet si organ koordinimi për çështje ekonomike dhe sociale. Përbërja e tij ndjek një kod rajonal, i cili dallon për përfaqësimin mbiproporcional të vendeve në zhvillim, sikurse e tregon edhe diagrama e mëposhtme.

Asambleja e përgjithshme zgjedh çdo vit një të tretën e anëtarëve të vet për një periudhë tre vjeçare. Ndryshe nga ç’ndodh në Këshillin e Sigurimit, mundësia e rizgjedhjes së drejtpërdrejtë nuk përjashtohet, kështu që disa shtete kanë mundur të stabilizohen pothuaj si shtete të përhershme. ECOSOC përfaqëson elementin lidhës me organizatat e posaçme me anëtarësi të vetën duke përmbushur kështu një funksion të rëndësishëm në sistemin e tejetdegëzuar të Kombeve të Bashkuara, me të cilin merret Kursi bazë 4. Përveç kësaj, ky këshill mban marrëdhënie konsultative me mbi 1.500 NGO (Organizata joqeveritare).

ECOSOC mblidhet një herë në vit për katër javë rresht. Një pjesë e madhe e aktivitetit realizohet nga organet dytësore të shumta në numër, shumimi i të cilave ka qenë shpeshherë shkak kritikash për efikasitetin në punë [në lidhje me problemet dhe kritikat shih kursin bazë 5]. Organet dytësore ndahen në gjashtë kategori:

Megjithë këtë masë organesh dytësore, rëndësia e ECOSOC ka rënë. Gareis dhe Varwick konstatojnë: "Sipas objektivave të Kombeve të Bashkuara, të bëra të qarta në nenin 1, shifra 3, dhe problemeve të përmendura në nenin 55, ECOSOC merret kryesisht me çështje të zhvillimit në vende të varfra (...). Kompetencat e tij këtu janë gjithsesi të kufizuara dhe i nënshtrohen autoritetit të Asamblesë së Përgjithshme, duke bërë që ECOSOC të shndërrohet kështu gjithnjë e më tepër në një 'organ ndihmës të saj' (...).

Veç kësaj Asambleja e Përgjithshme i ka hequr disa kompetenca ECOSOC-ut në fushën e zhvillimit përmes krijimit të organeve speciale si p.sh. te Programit për Zhvillim (UNDP) ose të Konferencës për Tregtinë dhe Zhvillimin (UNCTAD), kështu që atij, përveç sektorit të të drejtave të njeriut, zor se i mbeten sektorë të tjerë operativë aktivizimi. "

[nga: Sven Gareis/Johannes Varëick, Kombet e Bashkuara. Detyrat, Instrumentat dhe Reformat; Zyra Federale Qendrore për edukim politik, seri shkrimesh vëll. 403, Bonn 2003, F. 54]

Faqe të tjera mbi organet kryesore të OKB-së:

[Autor: Ragnar Müller]

[Kreu i faqes]