Политичка дидактика

Во политичките науки не постои општо прифатен, единствен поим „политка“. Тоа не е воопшто лошо, бидејќи токму во суштината на социјалните и духовните науки се наоѓа фактот дека никогаш не постои едно, ниту пак, „вистинско“ решение. Затоа со право е откажана бесплодната потрага по цврста дефиниција за политиката. Дали моќта, конфликтот, владеењето, мирот или нешто друго се наоѓа во сржта на политиката, зависи од задавањето на проблемот, засегнатите интереси и многу други нешта.

Во основа на нашата работа се наоѓа теоријата за системи со своето повеќедимензионално поимање на политиката. Притоа станува збор за еден мошне раширен, но не и најважен или најдобар пристап. Неговата предност е во тоа што ги интегрира мноштвото аспекти и елементи на политичкото и дозволува да се структурира и систематизира комплексната политичка реалност, со тоа што ваквиот пристап, во принцип, ја претставува политиката повеќедимензионално [... повеќе за теоријата на системи].

Се разликуваат следниве три димензии на политика: полити (Polity), политика (Politics) и полиси (Policy). Притоа полити ја означува формалната димензија на политиката, значи збирот од норми, регулативите за постапка и институциите, во кои се води политика. Политика  ја  означува процесуалната димензија, што подразбира процеси на одлучување, изнесување на конфликти, реализирање на цели и интереси. Кон оваа димензија треба да се класифицираат некои од класичните прашања на политичките науки (кој може да се пробие со своите интереси; кои механизми на регулирање на конфликти постојат; итн.). Полиси е насочена кон содржинската димензија на политиката, разработката на проблемот и решавањето задачи, од страна на политичко-административниот систем, за сите обрзувачки одлуки (авторитативно задавање на вредности) [... повеќе за политичките димензии].

Токму во политичкото образование ваквиот поим „политика“ се покажа како мошне корисен. Заедно со другите елементи на анализа на полиси, посебно на полиси-циклусот, тој на учителите и учениците им дава мостра за анализа со цел опфаќање на комплексната политичка реалност [... повеќе за полиси-циклусот].