Diagrama e mëposhtme përmend elementët përbërës më të rëndësishëm të fazave:

Përmbledhje: përgatitja e një njësie mësimore

Në mbyllje të kursit bazë le të përmbledhim aspektet më të rëndësishme, që duhen marrë parasysh në përgatitjen e një njësie mësimore në lëndën e politikës. Ne propozuam një diagramë 4-pjesëshe, që fillonte me hyrjen në disiplinë. Këtu mund të ndihmojë një skemë analizë, e cila formulon pyetjet kyçe përgjatë tre dimensioneve të politikës (shih "listën e kontrollit" në kursin bazë 2). Një hyrje e kujdesshme në disiplinë krijon conditio sine qua non për një mësim të suksesshëm të politikës.

Në hapin e dytë bëhet fjalë për zgjedhjen e një perspektive didaktike. Kjo është diçka kuptimplote vetëm atëherë kur kemi depërtuar në përmbajtjen e disiplinës. Vetëm atëherë do të jemi në gjendje, që nga gjithë ajo sasi lënde të distilojmë atë perspektivë, që ua bën nxënësve të qartë disiplinën. Perspektiva didaktike formon pikëlidhjen mes përmbajtjes dhe qëllimit - ajo është përgjigja e të dyja pyetjeve: Çfarë dua të arrij unë te nxënësit? Cilës pjesë të përmbajtjes do t'i vë theksin? Gjatë zgjedhjes së perspektivës didaktike duhen vënë re pikat e mëposhtme:

Në hapin e tretë formulohet tema - si një përshkallëzim dhe formulim, në përshtatje me nxënësit, i perspektivës didaktike, me të cilën ajo duhet të përputhet. Tema duhet të jetë e orientuar për nga problemet dhe e  hapur, shpesh e formuluar në formë pyetjeje ose të kundërvënies tezë - antitezë. Në kuadrin e këtij qëllimi ajo duhet që sipas mundësisë të motivojë, të zgjojë apo të provokojë interes. 

Planifikimi i zhvillimit të mësimit përbën hapin e katërt dhe të fundit të diagramës së propozuar. Këtu bëhet fjalë në mënyrë të veçantë për ato çështje të planifikimit, që i kemi prezantuar në një faqe të veçantë në formën e një diagrame (shih diagramën "Çështje të planifikimit"). Diagrama e mëposhtme konkretizon të katër hapat në formën e shembullit të një njësie mësimore mbi temën e globalizimit:

[Autor: Ragnar Müller]

[Kreu i faqes]