Didaktika politike

Është e vetëkuptueshme, që hapi i par në përgatitjen e mësimit të politikës ka të bëjë gjithmonë me një hyrje sa më të hollësishme në disiplinë. Kështu hidhen bazat, prej të cilave varet edhe rezultati i mësimit. Ky kurs i dytë bazë kërkon të ndihmojë se si mund të njihemi në mënyrë sistematike me një fushë komplekse temash politike. 

Dimensioni i politikës

Pyetjet kyçe

polity
(Dimensioni institucional)
Kuadri i të vepruarit politik

Cilat nene të kushtetutës preken?
Cilat parime kryesore të kushtetutes duhen mbajtur parasysh?
Cilat ligje dhe norma ligjore janë të rëndësishme?
Cilat institucione marrin pjesë në vendimmarrje dhe me çfarë kompetencash?
Cilat marrëveshje, rregulla apo detyrime ndërkombëtare përcaktojnë kuadrin e veprimit?

policy
(Dimensioni i përmbajtjes)

Për cilin problem politik bëhet fjalë?
Cilat janë objektivat, që duhen arritur?
Cilat propozime zgjidhjesh diskutohen?
Në çfarë rezultatesh ka çuar politika?
Si vlerësohen rezultatet?

politics
(Dimensioni porcesual)
Procesi i formimit të vullnetit politik dhe i vendimmarrjes 

Cilët janë pjesëmarrësit dhe/ose të prekurit?
Çfarë mundësish pjesëmarrjeje ekzistojnë dhe cilat prej tyre shfrytëzohen?
Cila është rrjedha e linjave të konfliktit?
Çfarë strukturash pushteti konstatohen dhe nga se ndikohen ato?
Ç'lloj interesash janë të pranishme, si përçohen dhe realizohen ato?
Si gjenden shumicat dhe si kërkohet miratimi?