[Fragment i shkëputur nga: "Aftësia për të mësuar: pasuria jonë e fshehur. Raport i UNESCO-s mbi edukimin për shekullin e 21-të."]

"Edukimi i tolerancës dhe respektit për të tjerët janë kushtet paraprake për një jetë demokratike; ato duhen përcaktuar si qëllime të të mësuarit dhe duhen ndjekur si të tilla. Vlerat në përgjithësi dhe toleranca në veçanti nuk mund të përçohen drejtpërsëdrejti: dëshira për të imponuar nga jashtë pikëpamje të caktuara lidhur me vlerat ka për pasojë mohimin e tyre. Vlerat bëhen diçka e rëndësishme vetëm atëherë kur ato zgjidhen lirisht prej individit. Për këtë, shkollat nuk mund të bëjnë asgjë më tepër, se sa të ushtrojnë tolerancë të përditshme me nxënësit e tyre, t'i ndihmojnë ata të pranojnë këndvështrime të tjera si dhe të stimulojnë diskutime rreth dilemave morale dhe etike. 

Por gjithsesi duhet të jetë detyra e shkollës t'u shpjegojë të rinjve sfondin historik, kulturor dhe fetar  të ideologjive të ndryshme, që kërkojnë të tërheqin vëmendjen në shoqërinë e tyre, në shkollë apo klasë. Kjo detyrë, së cilës mund t'i bëhet ballë mundësisht edhe me ndihmë nga mjedisi i jashtëm, është një detyrë delikate. Ajo rrezikon të ketë një efekt lëndues në plan personal dhe të sjellë në shkollë politikën dhe fenë, që normalisht nuk janë tema për një klasë nxënësish. Këtu, adoleshentët duhen mbështetur, që të ndërtojnë në mënyrë krejtësisht të lirë dhe në dijeni të plotë të efekteve sistemin e tyre të ideve dhe vlerave, pa ndjekur verbërisht mendimet dominante. Kështu ata fitojnë një pjekuri dhe hapje më të madhe. Në këtë mënyrë nëpërmjet inkurajimit për dialog demokratik mund të hidhet baza per harmoni dhe paqen e së ardhmes (...).

Por demokracia nuk jeton vetëm nga një tolerancë pasive, që thjeshtë sa lejon të qenit ndryshe. Ky pozicionim, megjithëse nga jashtë në dukje asnjanjës, është i varur nga gjendjet përkatëse shoqërore. Kjo është një tolerancë, e cila më vonë rezulton si e thyeshme, kur në një moment të caktuar situata ekonomike apo sociale bën që bashkëjetesa e kulturave të ndryshme të priret për nga konflikti. Për këtë arsye, kjo ide tepër e thjeshtë e tolerancës duhet të plotësohet dhe të absolutizohet përmes përçimit të pluralizmit, i cili bazohet  në respektin e të tjerëve dhe vlerësimin e kulturave të tjera."  

[Aftësia për të mësuar: Pasuria jonë e fshehur. Raport i UNESCO-s mbi  edukimin për shekullin e 21-të. Botuar nga komisioni gjerman i UNESCO-s. Neuwied; Kriftel; Berlin: Luchterhand, 1997, F. 48-49]

[Kreu i faqes]

Temat:  Të drejtat e njeriut  I  Modele  I  Demokracia  I  Partitë  I  Evropa  I  Globalizimi  I  Kombet e Bashkuara  I  Qëndrueshmëria

Metodat:    Didaktika politike    II    Pedagogjia e edukimit    II    Metodat

     
 
Kjo ofertë Online mbi edukimin politik u zhvillua nga agora-wissen, Shoqata e Shtutgartit për përçim dijesh përmes mediave te reja dhe edukimit politik. Në rast pyetjesh apo vërejtjesh drejtohuni Ju lutem te ne.