"Një nga detyrat më të rëndësishme të edukimit është, që të shndërrojë një varësi reciproke, që ekziston realisht, në solidaritet të vullnetit të lirë. Për të arritur këtë qëllim edukimi duhet të ndihmojë njerëzit, që, përmes një kuptimi më të mirë të botës, të kuptojnë më mirë veten dhe të tjerët. Fitimi i njohurive është hapi i parë, për të konceptuar më mirë kompleksitetin në rritje të ngjarjeve globale dhe për të eliminuar frikën, që vjen prej këtej. Hapi i ardhshëm do të ishte, të mësonim, t'i shihnim faktet në kontekstin e duhur dhe përkundrejt një rrjedhe informacionesh të pozicionohemi në mënyrë kritike, me qëllim që të mund të arrijmë në një gjykim personal. Këtu edukimi është më shumë se kurrë i pazëvendësueshëm. Ai nxit të kuptuarin e vërtetë të ngjarjeve, që shkon përtej paraqitjes thjeshtëzuese e ndonjëherë të cunguar të mediave. Përpara syve tanë lind një botë e turbullt dhe e ndryshueshme. Edukimi  duhet të ndihmojë gjithsecilin të bëhet qytetar i kësaj bote (...).

Për këtë arsye edukimi duhet ta bëjë individin të ndërgjejshëm për rrënjët e tij, në mënyrë që të inkuadrojë vendndodhjen e tij. Nga ana tjetër ai duhet t'i mësojë atij edhe repektin ndaj kulturave të tjera. Për këtë, me rëndësi vendimtare janë disa lëndë shkollore. Kështu historia shpesh ka shërbyer për të forcuar ndjenjën kombëtare, duke theksuar ndryshimet dhe duke i mëshuar epërsisë. Kjo vinte, ngaqë mësimi i historisë nuk bëhej mbi bazë shkencore. Nëse ne, nga ana tjetër, insistojmë në të vërtetën evidente, që grupet njerëzore, popujt, kombet dhe kontinentet nuk janë njësoj, jemi të detyruar të shohim përtej kufijve të përvojave vetjake të drejtpërdrejta dhe të pohojmë, se popujt e tjerë janë ndryshe dhe po aq të pasur me histori dhe kulturë. Te njohësh kultura të tjera të ndihmon të ndergjegjësohesh për të veçantën e kulturës tënde, por edhe për trashëgiminë e përbashkët të njerëzimit (...).

Edukimi duhet të shndërrohet në rrënjosjen e një humanizmi të ri. Një humanizëm, i cili karakterizohet qartësisht nga komponentë etikë dhe i kushton rëndësi të veçantë njohjes së kulturave të tjera dhe vlerave shpirtërore të civilizimeve të ndryshme si dhe respektit për to. Një kundërpeshë më se e domosdoshme e një globalizimi, i cili në të kundërt do të ishte i një natyre te pastër ekonomike dhe teknike! Ndjenja e vlerave të përbashkëta dhe e fatit të përbashkët është platforma, mbi të cilën duhet të mbështetet çdo formë bashkëpunimi ndërkombëtar(...).

Nuk mjafton më, që çdo fëmijë ta pajisim që herët me një sasi të caktuar dijesh, për t'i konsumuar ato më pas në të ardhmen. Çdo individ duhet të bëhet i aftë të mësojë përgjatë gjithë jetës së tij, që të shumojë dijet, të fitojë aftësi dhe kualifikim si dhe të mund t'i përshtatet një bote komplekse lidhjesh të ndërsjellta, që ndryshon vazhdimisht."

[Kreu i faqes]

Temat:  Të drejtat e njeriut  I  Modele  I  Demokracia  I  Partitë  I  Evropa  I  Globalizimi  I  Kombet e Bashkuara  I  Qëndrueshmëria

Metodat:    Didaktika politike    II    Pedagogjia e edukimit    II    Metodat

     
 
Kjo ofertë Online mbi edukimin politik u zhvillua nga agora-wissen, Shoqata e Shtutgartit për përçim dijesh përmes mediave te reja dhe edukimit politik. Në rast pyetjesh apo vërejtjesh drejtohuni Ju lutem te ne.