D@dalos - Qëndrueshmëria: Kursi bazë 2

Qëndrueshmëria

Kursi bazë 2: Si veproj unë në mënyrë të qëndrueshme?

"Çfarë mund të bëj unë!", është shpesh reagimi i nënshtruar ndaj problemeve globale si ndryshimi i klimës ose varfëria. "Sigurisht, që mund të bësh diçka!", i përgjigjet kësaj koncepti i qëndrueshmërisë, "madje ti duhet të bësh diçka, nëse më merr seriozisht." Sepse qëndrueshmëria përmbledh jo vetëm – sikurse dëgjohet shpesh – të gjitha nivelet, nga ai global deri tek niveli lokal, por qëndrueshmëria prek pikërisht edhe nivelin individual: Pa përpjekjet e secilit individ nuk mund të arrihet ndryshimi i drejtimit drejt një zhvillimi të qëndrueshëm.

"E ardhmja është koha në të cilën ti pendohesh, që nuk ke bërë gjërat, që mund t’i bësh sot."
[Léon Tolstoi]

Pikënisje për një sjellje të qëndrueshme ka shumë. Disa prej tyre do t'i trajtojmë më hollësisht në mënyrë ekzemplare në kuadër të kursit bazë 2. Në Kursin bazë 3 do të prezantojmë realizimin deri tani më të suksesshëm të idesë së qëndrueshmërisë, Axhendën Lokale 21. Ajo përbën një pikënisje të shkëlqyer për të vepruar në mënyrë të qëndrueshme. Gjithkush mund të iniciojë një proces axhende të tillë ose të bashkëpunojë në kuadër të axhendës ekzistuese.

Disa prej mundësive të veprimit përmendur në diagramë janë vetë të qarta. Natyrisht, që është më mirë (si për ne ashtu edhe për mjedisin), nëse do të përdornim biçikletën dhe jo makinën. Edhe të tjerat mund të kuptohen me shikim të parë, megjithatë ia vlen një trajtim më i hollësishëm.

Diferenca e konsumit të energjisë mes variantit më të mirë (tenxhere e mirë me kapak) dhe variantit më të keq (tenxhere e keq pa kapak) është 350%! Dhe këtu bëhet fjalë vetëm për një aspekt nga të shumtit. Një sjellje e logjikshme në jetën e përditshme do të çonte në kursimin e një sasie të madhe energjie. Këtu mund të përmenden p.sh. llambat për kursimin e energjisë, fikjen e llambave kur nuk nevojitet dritë, ngrohjen e vetëdijshme etj. Se cilat janë dimensionet për të cilat bëhet fjalë, e bën të qartë shembulli i imëposhtëm:

"Kalimet në pozicionin stand-by e gjithmonë e më shumë aparateve elektrike të ofrojnë komoditet; nuk është më nevoja të ngrihesh për të ndezur apo shuajtur televizorin. Ky konsum energjie pa qenë nevoja e përdorimit përpin 20,5 miliardë kilovat në vit. Për krahasim: Qyteti i Berlinit konsumon në një vit 14 miliardë kilovat-orë."

[nga: Sabine Ferenschild/Thomas Hax-Schoppenhorst, Libri i kursit të botës. Efektet globale të një "Gjermanie me të ardhme", Misereor Basel u.a. 1998, f. 14]

"Shpejtësitë e mesme, që synojnë shoqëri më komode, distancat e shkurtra, që përforcojnë ekonomitë rajonal, shërbimet inteligjente, që zëvendësojnë mallrat një-përdorimshe dhe konsumi selektiv, që mjaftohet me sasi më të vogla mallrash, janë linjat, në të cilat duhet ecur për një shoqëri me të ardhme."
[nga: Wolfgang Sachs, Pas nesh e ardhmja. Konflikti global për drejtësi dhe ekologji, Frankfurt/Main, bot. 2-të 2003, f. 97]

Fragmente të mëtejshme në kuadër të kursit bazë 2

	Fairtrade: Ka një shenjë dalluese për produktet e tregtuara në mënyrë të ndershme. Ata që i blejnë këto produkte jo vetëm marrin një cilësi të mirë por, veç kësaj, mund të jenë të sigurt, që prodhuesit nuk shfrytëzohen ... [... më shumë]
	Informo, bashkëpuno, mbështet iniciativa: Në mbarë botën ka organizata dhe iniciativa, të cilat angazhohen për zhvillimin e qëndrueshëm. Natyrisht, ne këtu nuk mund t’i prezantojmë të gjitha, por po evidentojmë disa në mënyrë ekzemplare ... [... më shumë]
	Bujqësi e qëndrueshme: Në mbarë botën gjithnjë e më shumë fshatarë po lënë pas dore mbjelljet biodinamike. Shumë gjëra në rrugën drejt një shoqërie botërore me të ardhme varetnpikërisht nga prodhimi i produkteve ushqimore ... [... më shumë]
	Konsum i qëndrueshëm: Ndryshimi në themel i sjelljes konsumatore është një ndër kërkesat më të rëndësishme të në rrugën drejt një mënyre jetese të qëndrueshme. Por këtu bëhet fjalë për një sfidë veçanërisht të thellë dhe të vështirë ... [... më shumë]
	Turizëm i qëndrueshëm: Dega e Turizmit është duke u zhvilluar momentalisht në të gjitha drejtimet e mundshme vetëm jo për nga qëndrueshmëria. Tendencat problematike si udhëtime të largëta me avionë, udhëtime all-inclusive, janë duke shënuar shifra maksimale në rritje ... [... më shumë]
	Vizioni i një epoke solare: Përdorimi i energjive të rinovueshme është një ndër kërkesat më të rëndësishme në rrugën drejt një zhvillimi të qëndrueshëm. Ky vizion e vendos kalimin në energjinë diellore në një model të ri mirëqënieje ... [... më shumë]

Koordinatat e modelit të ri të mirëqënies

"Më ngadalë, më pak, më mirë, më bukur "

[Hans Glauber, www.ecoistituto.it]

"Ekonomia e të jetuarit mirë është një kombinim i pajtueshëm me natyrën mes konsumit të përmbajtur dhe të mirave jomateriale."

[Toblacher Thesen 1997]

... shko më tej te Kursi bazë 3: Si funksionon Axhenda Lokale 21?

[Autor: Ragnar Müller]

[Kreu i faqes]

Temat:  Të drejtat e njeriut I Udhërrëfyesit I Demokracia I Partitë I Evropa I Globalizimi I Kombet e Bashkuara I Qëndrueshmëria

Metodat:    Didaktika politike    II    Pedagogjia e paqes    II    Metodat

Kjo ofertë online është zhvilluar nga a gora-wissen, Shoqata e Shtutgartit për përçim dijesh rreth mediave të reja dhe edukimit politik (GbR). Në rast pyetjesh ose vërejtjesh drejtohuni Ju lutemi te ne.