Të marrësh përsipër përgjegjësi

Bashkëpunim:
Nxënësit/et marrin përsipër detyra

"Demokracia në shkollë" fillon me gjërat  e përditshme. Në këtë fragment Ju prezantojmë shembuj lehtësisht të realizueshëm. Ata janë marrë nga libri bestseller i ish-drejtoreshës së shkollës shembullore Helene Lange me titull "Shkolla mund t’ia dalë mbanë!".

Sikurse gjatë pastrimit në këtë shkollë (shih faqen mbi pastrimin) ) edhe në rastin e  sipërmarrjes së detyrave të ndryshme nga ana e nxënësve  e rëndësishme është që nxënësve t’u besohen përgjegjësi – fillimisht në gjëra të vogla. Shkalla e përgjegjësisë do të vijë më pas duke u rritur. Kështu për shembull nxënësit e kësaj shkolle i zgjidhin vetë konfliktet e tyre në Këshillin e klasës (shih faqen mbi mbledhjen e klasës).
 

Se si bëhet kjo konkretisht këtë e tregon fragmenti i mëposhtëm nga Enja Riegel: "Në një shkollë ka shumë gjëra për të bërë: punë korrieri në sekretari, fotokopjime të fletëve të punës, mbledhje materialesh për nxënësit, që mungojnë, përdorimi i videoregjistratorit dhe projektorit. Është e pakuptueshme, përse në disa shkolla për këto detyra janë përgjegjës vetëm mësuesit.

Te ne në çdo klasë qëndron varur një listë e gjatë me  funksione të shumta, për sipërmarrjen e të cilave duhen kryer detyra dhe punë të caktuara. Pas secilit prej funksioneve qëndron emri i nxënësit, që merr përsipër ushtrimin dhe përmbushjen e tij. Çdo gjashtë muaj bëhet një ndarje e re e funksioneve, ku është si rregull që çdo nxënës të marrë përsipër të paktën një të tillë.

Fillimisht ka mundësi të mendohet se gjërat do të ecnin më shpejt nëse do të kryhesin nga vetë mësuesi. Madje do të ishte edhe më pak e lodhshme sesa të bindësh, drejtosh dhe t’u qëndrosh në kokë nxënësve që ta kryejnë si duhet detyrën e tyre.

Por kur nxënësit mësojnë të marrin përsipër të kryejnë detyra për një komunitet, janë të gjithë, që përfitojnë. Ai, që pastron në shkollë, do të ketë kujdes edhe në të ardhmen për mjedisin rrethues dhe nuk do të mendohet dy herë përpara se të lërë mbeturinat e tij në park."

[nga: Enja Riegel, Shkolla mund t’ia dalë mbanë! Si mund të mësojnë fëmijët tanë vërtetë për jetën. Shkolla Helene Lange Wiesbaden, Zyra Federale Qendrore për edukim politik. Seri shkrimesh vëll. 446, Bonn 2004, f. 63-64]