Edukimi politik si parim shkolle

Ndërsa me parimet didaktike  (Kursi bazë 2) dhe metodat (Kursi bazë 3, Kursi bazë 4) kemi prezantuar instrumentet qendrore për mësimin e politikës, në këtë fragment do të tregohen shembuj, se si demokracia në shkollë jo vetëm mund të përçohet, por edhe të ushtrohet me të vërtetë. Të ushtruarit e demokracisë mbetet pa jetë, nëse lihet pas dore ky dimension praktik i tij.

"Kultura shkollore dhe e të mësuarit duhet të mundësojnë të mësuarit e demokracisë, duke i lënë nxënësit dhe nxënëset të praktikojnë, përjetojnë dhe kuptojnë  përmes përvojave dhe veprimeve të tyre në shkollë kuptimin e politikës dhe demokracisë, në mënyrë që, më pas, përmes këtyre përvojave me demokracinë  të mund të zhvillojnë madhorinë e tyre politike dhe kompetenca demokratike. Të mësuarit e demokracisë nuk mund të mbështetet vetëm në mësim, informacion, analizë, sqarim dhe argumentim verbal (...). Edukimi politik është (...) jo vetëm një lëndë mësimore dhe parim mësimor por edhe parim shkollor."

[nga: Peter Henkenborg, Edukimi politik si parim shkollor: Të mësuarit e demokracisë në të përditshmen shkollore; në: Wolfgang Sander (bot.), Libërth mbi Edukimin Politik, Zyra Qendrore Federale për Edukimin Politik Seri shkrimesh vëll. 476, Bonn 2005, f. 265-266]
 

Humnerë mes pretendimit dhe realitetit

Sado e padiskutueshme të jetë rëndësia e të praktikuarit të demokracisë në shkollë për qëllimet e edukimit politik (shih Kursin bazë 4)  - nuk mund të anashkalohet fakti, që pikërisht këtu shënohen deficitet më të mëdha:

"Kundërshtia mes pretendimit dhe realitetit të të mësuarit të demokracisë në jetën e përditshme shkollore i referohet ne mënyrë të veçantë idesë së pjesëmarrjes. Përvoja e pjesëmarrjes është një kusht bazë për të mësuarit e demokracisë përmes vlerësimit konjitiv. Në të përditshmen shkollore, gjithsesi, dominon (...) një kufizim i mundësive të pjesëmarrjes, veçanërisht në pjesën kryesore të shkollës dhe procesit mësimor."

[nga: Peter Henkenborg, Edukimi politik si parim shkollor: Të mësuarit e demokracisë në të përditshmen shkollore; në: Wolfgang Sander (bot.), Libërth mbi Edukimin Politik, Zyra Qendrore Federale për Edukimin Politik Seri shkrimesh vëll. 476, Bonn 2005, f. 272]