Metoda aktivizuese në mësimdhënien e politikës

Puzzle në grup

Puzzle në grup është një formë e veçantë e plotësuar e punës në grupe. Grupe të ndryshme punojnë me një temë të caktuar duke ndarë detyrat. Për këtë tema ndahet në disa aspekte të pjesshme (në diagramë tregohen katër të tilla). Për secilin prej aspekteve të pjesshme mësuesi duhet të mbledhë materiale informimi.

Hapi 2: Në grupet fikse sqarohen pyetje të hapura (në rrethana të caktuara ndihmon edhe mësuesi). Brenda grupeve kontrollohet mundësia, nëse gjithësecili i ka kuptuar drejt rezultatet, sepse secili duhet që në hapin e ardhshëm t'ua përçojë të tjerëve këto rezultate.

Hapi 3: Tani grupet fikse këmbejnë rezultatet me njëri-tjetrin, por tanimë jo si më parë në mënyrë frontale përmes zëdhënësve të grupeve, por përmes secilit anëtar para nëtarëve të grupit tjetër. Këto grupe të reja, grupet e ekspertëve, formohen me anë të bashkimit të katër pjesëmarrësve nga katër grupet e ndryshme fikse. Duke qenë se secili prej anëtarëve të grupeve fikse fillestare duhet të mundë të artikulojë në mënyrë të kuptueshme rezultatet e "tij", me anë të kësaj metode rriten shanset që shumë pjesëmarrës, madje të gjithë, të jenë të motivuar për të marrë pjesë në punën në grupe.

Hapi 4: Pas kësaj pjesëmarrësit kthehen në grupet e tyre fikse dhe përmbledhin atje rezultatet e shkëmbimeve në grupin e ekspertëve.

Hapi 5: Në një bisedë përmbyllëse në plenum (ose me një metodë tjetër) mund të vlerësohen rezultatet e punës në elementin e përmbajtjes si dhe dobia e procedurës së veçantë të puzzle në grup.

Avantazhet dhe dizavantazhet

Njëri prej avantazheve të kësaj metode është sigurisht fakti që krahas qëllimeve mësimore konjitive mund të ndiqen edhe ato sociale dhe metodike. Veçanërisht fakti, që nxënësit kthehen në mësues, jo vetëm rrit motivimin, por ndikon në rezultate më të qëndrueshme të procesit mësimor dhe në ushtrimin e cilësive kyçe të rëndësishme (shpjegimi, dëgjimi i vëmendshëm).

Sikurse edhe në metodat e tjera të prezantuara në këtë kurs bazë, edhe në këtë rast i tërë investimi në përgatitje mund të shkojë dëm. Suksesi i kësaj metode varet nga cilësia e materialeve të përgatitura nga mësuesi. Krahas kësaj, natyrisht, mund të dështojë edhe përdorimi i vetë metodës puzzle në grup. Krahas kësaj, atmosfera e gjallë, që shoqëron ndërrimin e grupeve dhe që ndonjëherë shkon deri në kufinjtë e kaosit, mund të kapërcejë pragun e tolerancës së disa mësuesve.

Shembull: Puzzle në grup mbi rrjetin institucional të BE-së

Për ta bërë më të qartë këtë, në një faqe më vete ju vemë në dispozicion të gjitha materialet për një puzzle në grup rreth pesë institucioneve më të rëndësishme të Bashkimit Evropian ...
... shko te shembulli

[Autoret: Ragnar Müller/Prof. Dr. Wolfgang Schumann]

[Kreu i faqes]

Temat:  Të drejtat e njeriut I Udhërrëfyesit I Demokracia I Partitë I Evropa I Globalizimi I Kombet e Bashkuara I Qëndrueshmëria

Metodat:    Didaktika politike    II    Pedagogjia e paqes    II    Metodat