Debati

"Debati pro-kundër është një metodë e mësimdhënies së politikës tejet e formalizuar, e orientuar drejt rregullash strikte, e cila mendohet të japë një kontribut para së gjithash në formimin e një gjykimi politik racional. Baza e saj është forma klasike e debatit në traditën anglosaksone të Debating Clubs."

[nga: Peter Massing, Debati-Pro-Kundër; në: Wolfgang W. Mickel (bot.), Libërth mbi edukimin politik, Zyra Qendrore Federale për edukim politik, seri shkrimesh vëll. 358, Bonn 1999, f. 403]

Debati, si debat pro-kundër apo si bisedë-grindje - cilindo emër t'i vemë kësaj metode  – ilustron lidhjen mes parimeve didaktike (Kursi bazë 2) dhe metodave, por njëkohësisht thekson me forcë parimin e kontroversitetit dhe parime të tjera si për shembull orientimin drejt problemit apo veprimit.

Përplasja e hapur mes mendimeve dhe interesave të kundërta është element themelor i çdo demokracie; për këtë arsye mësimdhënia e demokracisë duhet të mësojë si të „grindesh“, ta ushtrojë dhe trajnojë këtë aftësi. Nxënëset dhe nxënësit duhet të mësojnë të njohin interesat e veta, t'i artikulojnë ato, të praktikojnë forma jo të dhunshme të debatimit si dhe të vihen në pozicionin e tjetrit.