Qëllimet e Edukimit Politik

Edukimi politik përçon dije themelore rreth politikës dhe tenton të zgjojë interes për politikën. Kjo përbën kushtin paraprak për qëllimet më ambicioze,para së gjithash, për aftësinë për analizën dhe gjykimin e  pavarur. Krahas kësaj njëra nga detyrat është të qënit i kujdeshëm, që të fitohen dhe ushtrohen ato kompetenca, për të cilat ka nevojë një qytetar aktiv në demokraci (diskutimi, përdorimi i mediave, mbajtja e referateve etj.).
 

Ushtrohet kompetenca e demokracisë...

Këtu dalin në skenë metodat speciale dhe aktivizuese për të cilat është fjala në këtë kurs bazë. Ato kanë përparësinë që korrespondojnë gjithashtu me qëllimet më ambicioze dhe të mbivendosura të edukimit politik. Ato përçojnë jo vetëm dije - dhe këtë e bëjnë në një mënyrë tejet të qëndrueshme -, mundësojnë jo vetëm të kuptuarit - deri edhe për rrethana të komplikuara -, por shërbejnë edhe për ushtrimin e kompetencave të demokracisë, përmendur më sipër.
 

... por vetëm me simulim

Nga ana tjetër këtu duhet vënë re me kujdes, që këto kompetenca, në kuadër të metodave të prezantuara këtu, mund të ushtrohen vetëm në mënyrë pak a shumë "artificiale". Ata që në një debat pro-kundër, zhvilluar në një seancë mësimi apo seminari, përfaqësojnë një pozicion të caktuar, e bëjnë këtë në një kontekst shumë të veçantë dhe të kufizuar. Vetëm metoda e projektit mund të ndikojë në reduktimin e distancës me "jetën reale", ndërsa lojërat plan dhe me role mbeten gjithmonë  simulime. Ndaj është e rëndësishme, që demokracia në shkollë të mos përçohet vetëm me metoda të ndryshme por edhe të praktikohet me të vërtetë. Me këtë dimension merret Kursi bazë 5.
 

Probleme

Duhet patur parasysh që metodat e orientuara për nga veprimi, prej të cilave në kuadër të këtij kursi do të prezantohet një numër i përzgjedhur, dëshmojnë pa dyshim përparësi të shumta. Gjithsesi krahas përparësive ka edhe probleme. Në përgjithësi përdorimi i këtyre metodave kërkon edhe një angazhim të madh nga ana e mësuesit apo drejtuesit të seminarit, pasi përgatitja kërkon investim. Një problem tjetër përbëjnë kushtet e përgjithshme dhe kriteret e paracaktuara (p.sh. plani mësimor). Shpesh është e vështirë të sillen në harmoni projektet, lojërat me role etj. me këto kritere të paracaktuara. Në përfundim duhet theksuar që metodat e prezantuara këtu  kërkojnë një sasi të konsiderueshme kohe.