D@dalos - Methoden des Politikunterrichts: Vortrag

Metodat

Metodat bazë të mësimdhënies së politikës

Funksione

Referati i mësuesit

Referati i mësuesit është prezantimi gojor i një rrethane apo varësie socio-shkencore. Ai mund të lindë në mënyrë spontane, p.sh. me kërkësën e nxënësve ose përgatitet dhe planifikohet në mënyrë të vetëdijshme për një orë mësimi.

Kur mund të përdoret referati i mësuesit?

Referati i mësuesit bën të mundur mënjanimin e paqartësive të dala spontanisht dhe shpjegimin e rrethanave apo varësive të caktuara në mënyrë të strukturuar, konçize dhe të kuptueshmebrenda një kohe të shkurtër. Ai mund të përdoret në çdo moment gjatë një njësie mësimore, për shembull si

	hyrje në një temë,
	përgjigje ndaj pyetjeve,
	shpjegim koncepti,
	përçim informacionesh,
	përmbledhje e materialit të punuar.

demode ...

... por të rëndësishme

A është referati i mësuesit një metodë e dobishme në mësimdhënien e politikës?

Referati i mësuesit sot vlen shpesh si demode, i kaluar kohe. Ai kritikohet si një metodë autoritare e të mësuarit, e cila mbështet pasivitetin duke shkaktuar në këtë mënyrë tek nxënësit konformizëm dhe një sjellje komode konsumi.

Në fakt referati i mësuesit paraqet një komunikim mësues-nxënës në një drejtim, i cili është në kundërshtim me metodat mësimdhënëse të orientuara për nga veprimi, por trajnon tek nxënësit një aftësi të rëndësishme: të dëgjuarit dhe bashkëmenduarit aktiv.

Referati i mësuesit mund të përdoret në shumë raste në mënyrë të dobishme, ku duhet bërë kujdes të mos kalojë 10 minuta dhe të mos jetë në asnjë mënyrë metoda e vetme e përdorur në mësimdhënien e politikës.

Kriteret e cilësisë

Cilat janë kriteret, që duhet të përmbushë një referat i mirë mësuesi?

	Koha e shkurtër (5 deri 10 minuta)
	Ndarje e qartë
	Kuptueshmëria (jo tepër linja të mdryshme mendimesh, pa koncepte të vështira të fushës)
	Pa përkufizime fjalori (përgatitje interesante dhe shumëngjyrëshe e informacioneve)
	Vizualizim me tabelë, projektim në tabelë/mur etj. (nuk duhet të shpërqendrojë, shih më poshtë)
	T'u thuhet nxënësve që në fillim se ç'duhet të bëjnë (p.sh. vetëm të dëgjojnë, të shënojnë pyetje, të mbajnë shënime)
	Mund të përmbajë përsëritje, p.sh. si konkluzion përmbledhës
	E folur e lirë dhe me kontakt vështrimesh
	Fillimi dhe fundi duhet të jenë qartë të dallueshëm

Përse duhet vizualizimi?

Natyrisht kuota e mbajtjes mend është e ndryshme nga një individ te tjetri dhe nuk mund të përcaktohet shumë saktë, sikurse sugjeron diagrama. Por analiza në psikologjinë e të mësuarit tregojnë, se kuota e mbajtjes mend rritet ndjeshëm përmes përdorimit të vizualizimeve. Kjo vlen para së gjithash në rast referatesh të gjata, por edhe në referatet e mësuesit nuk duhet hequr dorë nga vizualizimet mbështetëse.

Diagrama bën të qartë gjithashtu se kur "vepron vetë" mund të arrish suksesin më të qëndrueshëm të mundshëm të të mësuarit,Kjo ka të bëjë me përdorimin e metodave të orientuara nga veprimi. Një përzgjedhje të metodave aktivizuese e paraqesim në Kursin bazë 4.

Si të vizualizojmë?

të dyja faqet prezantuese në diagramë përmbajnë të njëjtat informacione. FaqJA nr.1 përmban një tekst të rrjedhshëm dhe gabon kudo ku mund të gabohet. Faqja nr. 2 i ka përgatitur informacionet në mënyrë të qartë dhe të përmbledhur. Ka një titull lehtësisht të identifikueshëm si të tillë, informacionet perceptohen shpejt si një enumeracion fjalësh kyçe dhe pjesa kryesore ("pa tekst të rrjedhshëm") dallohet nga të tjerat me një simbol të njohur (shigjetë) dhe sfond në ngjyrë tjetër.

Si duhet referuar?

Krahas vizualizimit duhen mbajtur parasysh edhe aspekte të tjera, nëse kërkojmë të mbajmë një referat të suksesshëm. Duke mos patur mundësi ta trajtojmë këtë temë në mënyrë të plotë, duhen përmendur të paktën shkurtimisht aspektet më të rëndësishme:

	Reduktimi: Më pak është më shumë! Një referat duhet të kufizohet në gjërat më të rëndësishme. Publiku do të mbajë mend vetëm një pjesë të vogël të asaj që thuhet. Edhe më e rëndësishme është që pikat më të rëndësishme në referat të shquhen në referat në mënyrë retorike dhe përmes vizualizimit.
	Kuptueshmëria: Publiku e ka të vështirë të kuptojë. Referuesi duhet të japë sa më shumë mjete ndihmëse të jetë e mundur. Kjo përbën pikënisjen për të gjitha analizat. Së këtejmi rrjedh ndër të tjera nevoja e përdorimit të fjalëve dhe fjalive të thjeshta dhe e shmangies në çdo rast të fjalive me strukturë të komplikuar.
	Dramaturgjia: Duhet shmangur patjetër të folurit me ton të njëjtë, pa emocion dhe monoton. Të ngriturit apo të ulurit e zërit në pika të rëndësishme të referatit është një mjet retorik me shumë efekt. Referuesi duhet që ndër të tjera të krijojë variacion. Pas një trajtese të gjatë teorike mund të vijohet me një shaka apo një fotografi. Publiku duhet që herë pas here të ketë mundësinë të buzëqeshë apo të marrë frymë lirshëm. Variacion duhet të ketë edhe në përdorimin e mediave: një prezantim i gjallë me projektor multimedial mund të kombinohet për shembull me mjete të tjera si tabela ose Flip-Chart.
	Ndarja: Një ndarje e menduar mirë, me një linjë të qartë logjike dhe e orientuar për nga grupi i synuar nuk është një mjet ndihme i mbivlerësuar për publikun. Kjo ndarje duhet të jetë gjithnjë e pranishme duke përmendur herë pas here boshtin e mendimeve dhe analizave.

[Autorët: Marietta Enss/Ragnar Müller]

[Kreu i faqes]

Temat:  Të drejtat e njeriut I Udhërrëfyesit I Demokracia I Partitë I Evropa I Globalizimi I Kombet e Bashkuara I Qëndrueshmëria

Metodat:    Didaktika politike    II    Pedagogjia e paqes    II    Metodat

Kjo ofertë online është zhvilluar nga a gora-wissen Shoqata e Shtutgartit për përçim dijesh përmes mediave të reja dhe edukimit politik (GbR). Në rast pyetjesh ose vërejtjesh drejtohuni Ju lutemi te ne.