D@dalos - Methoden des Politikunterrichts: Unterrichtsgespräch

Metodat

Metodat bazë të mësimdhënies së politikës

Bisedë mësimore

Kompetenca komunikative është një kualifikim i rëndësishëm në demokraci. Vetëm ai, që ka aftësinë e dialogut, mund të angazhohet politikisht. Për këtë arsye biseda mësimore gjatë mësimdhënies së politikës - sikurse edhe diskutimi dhe debati - konsiderohet si veçanërisht e rëndësishme. Ajo i shërben jo vetëm përçimit të përmbajtjeve, por shndërrohet edhe vetë në një përmbajtje të edukimit politik duke mbështetur kompetencën demokratike.

Por për këtë duhen plotësuar disa kushte të caktuara: "Edukimi politik, i cili krahas kompetencës gjuhësore synon edhe vetëvendosje dhe pjesëmarrje politike, duhet ta organizojë bisedën mësimore në mënyrë të tillë, që ajo të jetë para së gjithash një vend i një zgjidhjeje të përbashkët problemesh dhe mirëkuptimit diskursiv."

[Nga: Peter Massing, Të mësojmë në biseda: Format bisedore në edukimin politik; në: Wolfgang Sander (Hg.), Libërth mbi edukimin politik, Zyra Qendrore federale për Edukimin Politik Seri shkrimesh Vëll. 476, Bonn 2005, f. 502]

Çfarë kuptojmë me bisedë mësimore?

Biseda mësimore është një bisedë e drejtuar, strukturuar dhe e orientuar nga mësuesi brenda në klasë. Nga biseda mësimore e udhëhequr deri në bisedën mësimore të lirë është i mundshëm çdo kalim - në varësi nga qëlimi i vendosur.

Çfarë duhet vënë re në përgjithësi gjatë komunikimit?

Sapo njerëzit gjenden së bashku ata komunikojnë vetëm përmes sjelljes së tyre (gjithçka ka karakter informues). Dallohen dy nivele komunikimi: Përmbajtja dhe marrëdhënia.

Bisedë mësimore e udhëhequr: Mësuesi zhvillon konceptin e tij duke pyetur nxënësit dhe duke iu referuar fjalëve të tyre, duke e udhëhequr kështu bisedën në një rezultat tashmë të njohur prej tij.

Bisedë mësimore e lirë: Mësuesit dhe nxënësit përballen bashkarisht me një detyrë mësimore duke shkëmbyer reciprokisht informacione. Mësuesi paracakton vetëm kuadrin dhe jep vazhdimisht impulse të reja.

1. Përmbajtja shprehet zakonisht në mënyrë verbale.
2. Marrëdhënia shprehet me anë të tonit, mimikës, gjesteve, sjelljes (gjuhës së trupit).

Në një marrëdhënie konfliktuale përmbajtja kalon në paln të dytë. Por nëse aspekti i marrëdhënies është i qartë atëherë ekziston parakushti për një bisedë frutdhënëse. Më tej dallojmë komunikimin simetrik dhe atë asimetrik:

Nëse partnerët në komunikim janë në të njëjtin nivel (simetrikë) atëherë është e mundur që konfliktet të zgjidhen hapur. Por nëse marrëdhënia e bashkëbiseduesvëe bazohet në pabarazi (asimetrikë), sikurse ndosh zakonisht në bisedat mësues-nxënës, kjo zor se është e mundur.

Kur mund të përdoret një bisedë mësimore?

Biseda mësimore është baza e shumë metodave të ndryshme të mësimdhënies së politikës, orientuar për nga veprimet. Ajo mundëson një përballje produktive dhe të realizueshme me objektet e të mësuarit dhe bën, - krahas përçimit të dijeve -, që nxënësit të përvetësojnë kompetencën gjuhësore dhe demokratike. Përmes formave të shumta të saj - krahas përçimit të pastër të dijeve - ajo mund të përdoret në çdo fazë të mësimit. Shembuj:

	Pyetje rreth dijeve ekzistuese
	Përafrimi me një temë (krijimi i komoditetit të njohjes)
	Kontroll i kuptueshmërisë
	Problematizimi i rrethanave
	Thellim në materialin e mësuar
	Përsëritje
	Konkluzioni
	Formimi i gjykimit

Mësuesi duhet ...

	... të arrijë dhe garantojë një nivel marrëdhënieje mundësisht pa konflikte, në mënyrë që mes bashkëbiseduesve të ketë një diferencë sa më të vogël (meqenëse këtu bëhet fjalë për një komunikim asimetrik).
	... të mos humbë sysh qëllimin e bisedës (objektiv-Preview).
	... të mos përdorë fraza absolutish refuzuese, që do të bllokonin partnerin në bisedë (Kjo nuk shkon. E çfarë është e vështirë këtu? Kjo është e pamundur. Nuk shoh asnjë lidhje etj.).
	... të mbështesë pavarësinë e nxënësve.
	... t'i konsiderojë nxënësit si njerëz madhorë dhe të përgjegjshëm.
	... të ritregojë apo të përmbledhë në mënyrë asnjanjëse përmbajtje të caktuara.
	... të pranojë gjykimin politik të nxënësve, edhe atëherë kur ky i kundërvihet pikëpamjes së tij.

[Autorët: Marietta Enss/Ragnar Müller]

[Kreu i faqes]

Temat:  Të drejtat e njeriut I Udhërrëfyesit I Demokracia I Partitë I Evropa I Globalizimi I Kombet e Bashkuara I Qëndrueshmëria

Metodat:    Didaktika politike    II    Pedagogjia e paqes    II    Metodat

Kjo ofertë online është zhvilluar nga a gora-wissen Shoqata e Shtutgartit për përçim dijesh përmes mediave të reja dhe edukimit politik (GbR). Në rast pyetjesh ose vërejtjesh drejtohuni Ju lutemi te ne.