Globalizimi është një temë e diskutueshme, ndërsa e padiskutueshme është rëndësia e tematikës, dhe kjo jo vetëm për edukimin politik. Pyetje bazë të politikës mbi demokracinë, legjitimimin apo raportin me ekonominë preken në thelbin e tyre nga debati mbi globalizimin.

Çështja e rolit të komunikimit publik, që po bëhet gjithnjë e më e rëndësishme për edukimin (politik) mund të trajtohet në mënyrë mbresëlënëse në shembullin e kësaj tematike. Si nje term kyç, në fakt i ri por i gjithëpranishëm, globalizimi instrumentalizohet në funksion interesash të ndryshme. Ndaj njohja e këtyre proceseve duhet të shkojë shumë larg, përtej të kuptuarit më të mirë të diskutimit rreth globalizimit.

Dhe në mbyllje, në rastin e marrjes me globalizimin bëhet fjalë për debatin aktual mbi çështje qendrore të së ardhmes, për të cilat duhet të përgatiten si politika ashtu edhe edukimi.

Kompleksi tematik në D@dalos paraqet përpjekje të ndryshme përkufizimi (Kursi bazë1 ), thekson karakterin shumëpërmasor të proceseve, që i nënvendosen konceptit përmbledhës të globalizimit (Kursi bazë 2), kërkon të zbulojë shkaqet kryesore  (Kursi bazë 3) dhe problemet-pasojë (Kursi bazë 4) dhe në mbyllje merret me linjat e zgjidhjes, që ravijëzohen gjatë debatit (Kursi bazë 5).