Humnera sociale mes Jugut dhe Veriut bëhet gjithnjë e më e thellë: Ndërsa të pasurit vazhdojnë të pasurohen, në Botën e Tretë rritet varfëria. Përmes krizave financiare dhe ekonomike shkatërrohen brenda natës ekonomi të tëra kombëtare dhe qindra mijëra vetë humbin vendin e tyre të punës.

Në vendet e industrializuara është kthyer varfëria. Edhe te ne janë në rritje pasiguria, përjashtimi dhe padrejtësia sociale. Sistemet e sigurisë sociale  shkatërrohen dhe janë të kërcënuara nga privatizimi. Siguracionet për jetën, shëndetësia, edukimi shndërrohen në mall.

Demokracia minohet, pasi lojtarët globalë (Global Players) diktojnë gjithnjë e më tepër politikën duke përdorur kërcënimin e ndërrimit të "vendndodhjes".

Lindin pabarazi të reja mes gjinive. Çrregullimi i tregjeve të punës realizohet kryesisht me anë të punës fleksible të nënpaguar apo të papaguar të grave. Sipas këtij modeli të fleksibilizuar dhe të pambrojtur të punës me kosto të lirë në shkallë botërore çrregullohet dhe globalizohet edhe puna e burrave.

Globalizimi ka çuar edhe në një rritje të theksuar të dhunës seksiste dhe të strukturuar ndaj grave, si p.sh. në tregtinë ndërkombëtare  të grave dhe fëmijëve. Po ashtu shumica e viktimave të luftrave të reja të globalizuara janë gra dhe fëmijë.

Zgjidhja e problemeve të mjedisit zvarritet. Bazat e natyrshme të jetës shkatërrohen përmes nënvendosjes ndaj logjikës së tregut.

Shumëllojshmëria kulturore sheshohet përmes një industrie kulturore të fuqishme ekonomikisht. Forca sugjestionuese e publicitetit dhe e logove të firmave të mëdha përcakton gjithnjë e më fuqishëm orientimet për nga vlerat dhe imazhet, që drejtojnë shoqërinë.

Përveç arsyeve të tjera janë edhe interesa hegjemoniale dhe burime të reja lënde të parë (vaj dhe gaz), për sigurimin e të cilave shtetet e pasura industriale bëjne plane ushtarake dhe ndërhyrje luftarake. Globalizimi neoliberal ka sjellë shumë humbës dhe pak fitues. Ai stabilizon në këtë mënyrë destabilizimin politik dhe është arsye për dhunë, luftë dhe terrorizëm, çka çon në justifikimin e armatimit në nivel botëror, të militarizimit dhe varrosjes së të drejtave demokratike.

Attac kërkon të kontribuojë si pjesë e lëvizjes jashtëparlamentare për një demokratizim tërësor të shoqërisë.

Attac lufton për një rend të ri të ekonomisë botërore, në të cilin pasuritë e rruzullit janë të shpërndara në mënyrë të drejtë dhe shfrytëzohen në mënyrë ekologjike.

Attac është pjesë përbërëse e lëvizjes kundër luftës dhe për paqe, sepse një botë e drejtë pa paqe nuk do të ishte e mundur.

Fundin e luftrave dhe përgatitjeve për luftë si dhe për zgjidhje civile dhe paqësore të konflikteve. Ne refuzojmë militarizimin e politikës së jashtme dhe dërgimin e trupave të Bundeswehr-it me mision në luftë jashtë vendit.

Futjen e një takse për transaksionet ndërkombëtare, të të ashtuquajturës taksës Tobin dhe përdorimin e të ardhurave për detyra ndërkombtare në fushën e mjedisit dhe të zhvillimit.

Mbylljen e oazeve të taksave, rregullimin e derivateve dhe ndalimin e fondeve tejet spekulative (të ashtuquajturat fondet Hedge).

Një tatim më të fuqishëm të të ardhurave të kapitalit dhe të pasurive të mëdha.

Zgjidhjen e krizës së borxheve të vendeve në zhvillim, përfundimin e përshtatjes strukturore neoliberale si dhe shpërbërjen e diktaturës së kreditorëve përmes një procedure të ndershme dhe transparente.

Një rend të tregtisë botërore, që u jep përparësi interesave të vendeve në zhvillim, të dizavantazhuarve nga ana sociale dhe çështjeve të mjedisit.

Institucionet ndërkombëtare, që u shërbejnë këtyre objektivave, dhe jo interesave të vendeve industriale, trusteve dhe elitave të korruptuara.

Një Evropë demokratike dhe sociale, që orientohet për nga nevojat e njerëzve dhe  solidariteti me pjesët e tjera të botës. Ne mbrohemi kundër kufizimit të së drejtës për të demonstruar, të lirisë së lëvizjes, të drejtës së shprehjes së lirshme të mendimit. Ne refuzojmë kriminalizimin e levizjes kundër globalizimit neoliberal.

Një reformë demokratike të shërbimeve publike. Ne luftojmë për një nivel sigurie sociale, që u mundëson të gjithëve një jetesë njerëzore të denjë. Ne jemi kundër privatizimit të shërbimeve publike dhe të detyrave të kujdesit publik si p.sh. të sistemit të shëndetësisë apo të edukimit si dhe të furnizimit me ujë, sikurse kërcënon Marreveshja e GAT. Ne jemi kundër privatizimit të të mirave publike dhe resurseve gjenetike.

Një sistem të siguracionit solidar për jetën.

Një rishpërndarje dhe rivlerësim të punës  ekzistenciale dhe të papaguar  në kuadër të ndarjes së punës në nivel ndërkombëtar dhe sipas gjinive.

Një organizim social dhe ekologjik të bujqësisë. Ne refuzojmë produktet e  ndryshuara gjenetikisht dhe patentat e vlefshme për gjithë jetën.

Rregullimin dhe kufizimin e pushtetit të trusteve ndërkombëtare dhe grumbullimeve të pushtetit ekonomik  përmes kartelave dhe fuzioneve. Ne kërkojmë ndër të tjera taksa më të larta për  sipërmarrjet, paga që garantojnë ekzistencën, të drejtë pune dhe bashkëvendosjeje për të punësuarit, norma barazie, standarte sociale dhe ekologjike.