"Edukimi i paqes duhet të kontribuojë në ndryshimin e  botës. Duhet eliminuar gatishmëria personale për ushtrim dhune, strukturat e dhunës në marrëdhëniet ndërnjerëzore, në të gjitha strukturat shoqërore dhe në botën e shteteve duhen mënjanuar"
[nga: Susanne Lin, Koncepti qendror "Edukimi i paqes"; në: Fjalorin e xhepit për Formim Mjedisor, bot. nga Oskar Brilling/Eduard W. Kleber, Baltmannsweiler: Shtëpia bot. Schneider Hohengehren 1999, 68-70 ]

Ky kompleks temash në D@dalos  merret me bazën teorike të Pedagogjikës së Paqes, ku bëjnë pjesë edhe trajtimi i sfondit shkencor i kërkimeve mbi paqen dhe konfliktin. Përveç kësaj bëhet fjalë edhe për linjat praktike të edukimit të paqes. Në mbyllje do të lidhen me këtë temë edhe resurse të shumëllojshme në D@dalos. Kështu edhe materialet e shumta mësimore mbi Të drejtat e njeriut dhe fëmijëve përbëjnë një kontribut po aq të rëndësishëm sa edhe portretet e personave të spikatur (Martin Luther King, Mahatma Gandhi etc.) në kuadrin e Kompleksit tematik Modele.

Jemi të gëzuar, që për zhvillimin e kësaj oferte online mbi këtë temë të vështirë mundëm të siguronim bashkëpunimin e partnerëve me përvojë. Një falënderim i veçantë për bashkëpunim të frutshëm u takon në këtë kontekst ekspertëve udhëheqës të kësaj fushe në  Institutin për Pedagogjikën e Paqes në Tübingen. Ata i vënë theksin konceptit të aftësisë konfliktuale:

"Aftësia konfliktuale mund të kuptohet si qëllimi qendror dhe thelbi i Pedagogjisë së Paqes. Edukimi i paqes duhet të na aftësojë të menaxhojmë konfliktet në mënyrë konstruktive, të shmangim një përshkallëzim apo të mundësojmë pajtimin e palëve në konflikt dhe kjo (...) në planin personal, shoqëror dhe ndërkombëtar".
[Günther Gugel / Uli Jäger, Instituti për Pedagogjinë e Paqes në Tübingen e.V.]

Sikurse tashmë e dini, një vështrim të përgjithshëm mbi ofertën online rreth temës Pedagogjika e Paqes mund ta krijoni me ndihmën e Përmbajtjes ose të Përmbledhjes grafike. Ju urojmë shumë zbavitje dhe sukses në punën me këtë kompleks tematik!

... Shko te Kursi bazë 1: Hyrje dhe vështrim i përgjithshëm: Cfarë është edukimi i paqes?

Temat:  Të drejtat e njeriut  I  Modele  I  Demokracia  I  Partitë  I  Evropa  I  Globalizimi  I  Kombet e Bashkuara  I  Qëndrueshmëria

Metodat:    Didaktika politike    II    Pedagogjia e Paqes    II    Metodat

     

Kjo ofertë online mbi edukimin politik është zhvilluar nga agora-wissen, Shoqata e Shtutgartit për përçim dijesh përmes mediave të reja dhe edukimit politik (GbR). Në rast pyetjesh ose vërejtjesh drejtohuni Ju lutemi te ne.