"Twic Olympics" - Lojërat Olimpike në zonë lufte

„Sport for Peace and Development – A win-win for every child“ – Kjo është motoja për Lojëra Olimpike të pazakonta. Të rinjtë në Pannyok-un sudanez takoheshin tashmë për herë të katërt në „Twic Olympics“ në mes të trazirave të luftës civile. Acuil Banggol është drejtuesi i organizatës SUPRAID dhe përgjegjës për lojërat.

Aktivitetet sportive krijojnë premisat më të mira për të mbështetur në mënyrë pozitive cilësi të tilla si vetëbesimin, disiplinën dhe punën në skuadër. Këtu bëhet fjalë për një garë të ndershme, në fund të së cilës humbësi uron fituesin. Nëpërmjet sportit mbështetet edhe talenti organizativ dhe fryma e skuadrës. Si lojtar basketbolli me përvojë ndërkombëtare kam mësuar, se kërkohet bashkëpunim, që një lojë të mund të fitohet dhe që të mund të shquhesh si anëtar i vlefshëm i një skuadre. 

Pjesëmarrësit janë të ndarë në dy klasa moshore: mbi 14 vjeç së bashku me të rriturit si dhe fëmijë deri në 14 vjeç. Në të dyja kategoritë ka si pjesëmarrës meshkuj ashtu edhe femra. Pjesëmarrja e sportisteve femra merret parasysh edhe në përcaktimin e fituesit të përgjithshëm Payama-ve pjesëmarrëse. Një Payam me një numër veçanërisht të madh pjesëmarrësesh merr pikë ekstra.

Sa njerëz marrin pjesë në lojra?

Vlerësohet, që numri i pjesëmarrësve të shkojë deri në rreth 3000 nga të cilët 2000 janë të akomoduar në kampe për të kaluar netët, për të marrë pjesë më pas në lojra. Duke u nisur nga mundësitë e mangëta të akomodimit si dhe nga mjetet e pakta financiare për spektatorët, që vijnë nga rrethe të largëta, është e vështirë të qëndrojnë më gjatë se një ditë.

Çfarë keni arritur deri tani me realizimin e këtyre lojrave? Cilat janë sukseset më të bukura?

Mes të rinjve lindin kontakte të reja dhe respekt reciprok, dhe kështu dhurohet një copë gëzim nga jeta. Të rinjtë, famijarët, shoqëruesit si dhe personalitete lokale dhe fetare vinë të gjithë së bashku për t'u  ofruar skuadrave  mbështetjen e tyre. Ky ngjarje sportive është një magnet për të gjitha shtresat e popullsisë dhe përdoret si forum, për të organizuar dialogje  rreth zhvillimit ekonomik, pajtimit, problemeve sociale dhe sëmundjeve të tilla si Sida. Kjo ngjarje e përvitshme është një gëzim për të gjithë rajonin, i cili për shumë vetë, që ndodhen në mes konfliktesh të vazhdueshme, do të thotë një copë shprese për kohë më të mira. Ndërkohë që çdo vit është një garë e vërtetë kur duhet vendosur, se cili Payam do të organizojë vitin e ardhshëm Twic Olympics.

Si mund t'Ju ndihmojnë të tjerët në punën Tuaj?

Oranizatës sonë i mungojnë institucionet në vend, në mënyrë që bashkëpunëtorët tanë të vijnë më afër projektit. Eshtë e vështirë të intensifikosh dhe përshpejtosh zgjerimin e projektit dhe avantazhet, që sjell ai.  Dhe së fundmi ne kemi nevojë për resurse dhe para së gjithash për aparate sportive dhe pajisje. Të rinjve u duhet ofruar një mundësi për të ndjekur lojërat e vërteta olimpike në Athinë në televizor përmes satelitit dhe energjisë diellore. Një formë tjetër mbështetjeje do të ishte nje program shkëmbimesh për rininë. Kështu të rinjtë nga Gjermania do të mund të vizitonin  Twic-County  dhe të trajtonin dhe mbështesnin vendasit!

Cili është mesazhi drejtuar të rinjve në Gjermani?

Të gjithë fëmijëve një trajtim të drejtë dhe solidaritet sot - për një botë më të paqtë nesër!

[Bukë për botën / Komiteti Kombtar Olimpik / Komisioni Gjerman i UNESCO-s (bot): Fair Play for Fair Life 2004, Stuttgart 2004]

Tekste të mëtejshme mbi temën "Sporti dhe parandalimi i dhunës":