Në një skenar zhvillohet sistematikisht një situatë e caktuar. Këtu bëhet fjalë për mundësi veprimi, që rrjedhin nga një skenë fillestare. Këto duhen zhvilluar dhe skicuar sistematikisht.

Skenarët u paraprijnë zhvillimeve të mundshme në të ardhmen dhe përshkruajnë kushtet dhe probabilitetin e tyre. Cilat janë mundësitë (kryesore) të veprimeve në situata vendimesh? Cilat janë mundësitë e mëtejshme të veprimeve pasi vendimet të jenë marrë?

Një renditje e tillë vendimesh të mundshme dhe /ose faktike duhet përpunuar në grup. Këtu skena duhet të vazhdojë të ndiqet në të gjitha alternativat. Qëllimi është mundësimi i të menduarit në alternativa dhe parashikimi i të gjitha pasojave të mundshme.

Procedimi: Në një fletë të  madhe, apo edhe më mirë në një rul letre, vizualizohen të gjitha mundësitë e veprimeve. Këtu ndiqet linja e veprimit derisa të dilet në një apo disa zgjidhje.