Pershkallezimi
Lart Pershkallezimi Ajsberg

 


 

Pedagogjia e Paqes

Përshkallëzimi i konfliktit

Përshkallëzimi i një konflikti është i rrezikshëm, pasi
 
bulletkonfliktet mund të dalin jashtë kontrolli;
 
bulletka gjithnjë e më pak alternativa veprimi në dispozicion;
 
bulletdhuna po konsiderohet dhe përdoret gjithnjë e më shumë si mundësi veprimi;
 
bulletnë plan të parë nuk qëndrojnë me zgjidhjet e përbashkëta por ose fitorja ose mposhtja e kundërshtarit;
 
bulletndodh një personifikim i konfliktit;
 
bulletemocionet marrin përparësi;
 
bulletshkatërrimi dhe asgjësimi shndërrohen në qëllime kryesore të të vepruarit.

Friedrich Glasl ka formuluar nëntë nivele të përshkallëzimit të konflikteve (shih kuadratin djathtas), të cilat përshkruajnë dinamikën e përshkallëzimit.

Për këtë arsye, detyra kryesore në kuadrin e përpunimit konstruktiv të një konflikti është vëia e një përshkallëzimi konflikti përballë me nivelet e de-shkallëzimit, gjetja e përgjigjeve dhe mundësive të veprimit për çdo nivel, kufizimi apo përjashtimi i dhunës dhe synimi drejt bashkëpunimit dhe zgjidhjeve me anë të bisedimeve. Për këtë janë njësoj të rëndësishme si përceptimi realist i ngjarjes së konfliktit ashtu edhe peshimi i vetëdijshëm dhe planifikimi i hapave që duhen bërë.

[Autor: Günther Gugel, Instituti për Pedagogjinë e Paqes Tübingen; Redaktimi: Ragnar Müller]


Nëntë nivelet e përshkallëzimit të një konflikti sipas Friedrich Glasl

1. Ngurtësimi: Pozicionet ngurtësohen dhe përplasen me njëri-tjetrin. Të qenët të ndërgjegjshëm për tensionet e ardhshme çon në kontraktime. Megjithatë ekziston ende bindja, që konfliktet mund të zgjidhen përmes bisedave. Nuk ka ende palë apo kampe të ngrira.

2. Debati: Zhvillohet një proces polarizimi në mendim, ndjenjë dhe dëshirë. Lind kështu një proces bardh-e-zi të menduari si dhe një pozicionim superioriteti dhe inferioriteti.

3. Aksionet: Bindja që  “bisedat nuk kanë më dobi” bëhet e rëndësishme dhe njerëzit ndjekin një strategji të fakteve të mirëqena. Empatia për “tjetrin” humbet, rreziku i interpretimeve të gabuara rritet.

4. Imazhet/koalicionet: “Vatra e thashethemeve” zien, ndërtohen kështu stereotipe dhe klishé. Palët tërheqin njëra-tjetrën në role negative dhe luftojnë kundër njëra-tjetrës. Vendin e ka procesi i rekrutimit të mbështetësve.

5. Ulje imazhi: zhvillohen sulme publike dhe direkte (të ndaluara), që kanë për qëllim uljen e imazhit të kundërshtarit.

6. Strategjitë e kërcënimit: Kërcënimet dhe kundërkërcënimet rriten. Përmes shpalljes së ultimatumeve përshpejtohet procesi i përshkallëzimit të konfliktit.

7. Goditje të kufizuara asgjësuese: Kundërshtari nuk shihet më si njeri. Realizimi i goditjeve të kufizuara asgjësuese konsiderohet si përgjigje e  “përshtatshme”. Përmbysje e vlerave: një dëm personal relativisht i vogël vlerësohet si fitim.

8. Copëtimi:  Shkatërrimi dhe shpërbërja e sistemit të armikut ndiqet në mënyrë intensive si qëllim final. 

9. Së bashku në humnerë: Kalohet në konfrontim total pa kthim prapa. Asgjësimi i kundërshtarit duke marrë në sy rrezikun e vetëasgjësimit.

[aus: Friedrich Glasl: Menaxhimi i konflikteve. Një manual për udhëheqës dhe këshilltarë. Bot. 2, Bern/Stuttgart 1992]

 

[Kreu i faqes]

 

Temat:  Të drejtat e njeriut  I  Modele  I  Demokracia  I  Partitë  I  Evropa  I  Globalizimi  I  Kombet e Bashkuara  I  Qëndrueshmëria

Metodat:    Didaktika politike    II    Pedagogjia e Paqes    II    Metodat

     

Kjo ofertë online mbi edukimin politik është zhvilluar nga agora-wissen, Shoqata e Shtutgartit për përçim dijesh përmes mediave të reja dhe edukimit politik (GbR). Në rast pyetjesh ose vërejtjesh drejtohuni Ju lutemi te ne.