Dinamika e një konflikti krahasohet shpesh me një ajsberg. Modeli Ajsberg ilustron, se në sipërfaqe është e dukshme vetëm një pjesë e vogël e asaj, që përcakton një konflikt. Në rastin e një ajsbergu, gjashtë të shtatat gjenden nën ujë dhe janë të padukshme - por është pikërisht kjo pjesë që përcakton madhësinë dhe zhvillimin e mëtejshëm të ajsbergut. Modeli Ajsberg shpesh përdoret për të ilustruar faktin, që vetëm një pjesë e ngjarjes dhe dinamikës së konfliktit është drejtpërsëdrejti e prekshme. Pjesët e tjera të dinamikës duhen deduktuar.

Konfliktet zhvillohen gjithmonë në të dy nivelet: në nivelin konkret dhe në nivelin psikosocial. Të njohësh të dy nivelet, të shohësh ndikimet e tyre të ndërsjellta dhe, gjithsesi, të mund t'i ndash nga njeri-tjetri është shumë e rëndësishme.