Shembull për përpunimin konstruktiv të një konflikti:

Zgjidhja e konflikteve në mjedisin përreth shkollës

Në këtë fragment bëhet fjalë për çështje themelore të një raporti konstruktiv me konfliktet në mjedisin përreth shkollës.

Perceptimi dhe interpretimi

Që konfliktet të mund të zgjidhen, duhet që ato fillimisht të perceptohen. Çdo veprim presupozon perceptimin e një situate dhe interpretimin e saj (në të shumtën e rasteve të pavetëdijshem). Në mënyrë, që interpretimi i nxituar shpesh i karakterizuar nga paragjykime dhe ide armiqësish  si dhe atribuimi i cilësive, bindjeve dhe qëllimeve të veprimit të bëhet i dukshëm duhet, që ky proces perceptimi dhe interpretimi të bëhet me vetëdije. Kjo mund të ushtrohet p.sh. gjatë punës me histori figurash.

Alternativa veprimi

Jo pak herë zgjidhjet konstruktive të konflikteve dështojnë për shkak të mungesës së alternativave të veprimit. Shpesh dhuna dhe sjelljet josociale përdoren atëherë kur nuk ka alternativa të tjera në dispozicion ose kur këto nuk duken se premtojnë sukses.

Prindërit, edukueset/it dhe mësueset/it, por edhe të rinjtë, në praktikën e përditshme edukative dhe mësimore përballen vazhdimisht me sfidën  e nevojës për të vepruar në situata jo të qarta. Në këtë rast, ata nga një spektër alternativash veprimi shkëpusin një mostër sjelljeje shpesh problematike (kalim norme, përdorim dhune). 

Një hap i tillë mund të çojë në keqkuptime fatale ose edhe  në procese përshkallëzimesh. Të bësh të qartë, që në çdo situatë janë të mundshme disa mënyra veprimi, ky është një hap i parë drejt zgjerimit të spektrit personal të veprimeve. Kjo mund të ushtrohet p.sh. përmes zhvillimit të skenarevë. 

Zgjidhja e konflikteve të përditëshme

Konfliktet e përditshme mund të zgjidhen shpejt dhe në mënyrë të pakomplikuar, nëse mbahen parasysh disa rregulla të caktuara. Këto rregulla duhet të bëhen të ditura, të diskutohen dhe të përdoren. Rregullat tona, formuluar në bazë shembujsh, i referohen raportit me konfliktet e të përditshmes së fëmijëve dhe adoleshentëve.

Me rëndësi qendrore në të gjitha përpjekjet për të zgjidhur konfliktet është faktori i komunikimit. Komunikimi mund të kontribuojë në mënyrë efektive në përpunimin e një konflikti, nëse janë të njohura rregullat e komunikimit. Meqenëse sjelljet komunikative kanë një strukturë të ndërtuar dhe fiksuar në vite, atëherë është e nevojshme, që këto rregulla të ushtrohen herë pas here. 

Nëse konfliktet përshkallëzohen, do të ishte një ndihmë e madhe, nëse do të futej në lojë një palë e tretë. Peer Mediation në shkollë është një metodë e rëndësishme.

Mësimi dhe struktura e shkollës

Përveç Peer Mediation në shkollë duhet të ketë edhe elemente të tjera të përpunimit të konflikteve shkollore. Këta komponentë të rëndësishëm kanë të bëjnë si me komunikimin mësues-nxënës, rregullat në raportin me njëri-tjetrin, ngjarjet në procesin mësimor, ashtu edhe me të gjithë strukturën e shkollës. 

[Autor: Günther Gugel, Instituti per Pedagojine e Paqes ne Tübingen; Redaktimi: Ragnar Müller]

[Kreu i faqes]