10 Rregulla
Lart Premisat 10 Rregulla Mediacioni Te folurit

 


 

Pedagogjia e Paqes

Instituti për Pedagogjinë e Paqes në Tübingen sh.r.ka formuluar 10 rregula për rrjedhën konstruktive të një konflikti:

1. Heqja dorë nga dhuna
Kur një konflikt kërcënon të përshkallëzohet ose tashmë është përshkallëzuar, apeli më i lartë është heqja dorë nga dëmtimet trupore ose nga kërcënimi i kundërshtarit.

2. Ndryshimi i këndvështrimit
Hedhjet e njëanshme të fajit e pengojnë në mënyrë masive përballjen konstruktive me konfliktet. Nëse konflikti vlerësohet si një problem i përgjithshëm, atëherë hapen këndvështrime të reja.

3. Gatishmëria për të biseduar
Pa kontaktin me palën tjetër në konflikt rrugët për një çtensionim të potencialit shpërthyes të konfliktit janë të mbyllura. Bisedat janë ato, që bëjnë të mundur një përkufizim të parë të objektit të konfliktit.  Mundësi: Rreziku i keqkuptimeve zvogëlohet. 

4. Aftësia për të dialoguar
Përmes dialogut, kundërshtarët mësojnë ta konsiderojnë veten si partnerë në konflikt. Në këtë mënyrë rritet gatishmëria për të gjetur një zgjidhje të përbashkët.

5. Ndërmjetësimi
Nëse realizimi i një dialogu nuk është i mundur, gjendja nuk është aspak e pashpresë. Shpesh në një situatë të tillë ndihmon, nëse një “pale të tretë” i kërkohet të ndërmjetësojë..

 6. Besimi
Përpunimi i konflikteve ka nevojë për besim. Për këtë arsye lihen mënjanë konfliktet e njëanshme dhe veprimet personale bëhen transparente.

7. Rregullat e Fair-Play 
Për përpunimin e konflikteve lidhet një marrëveshje për rregulla të përbashkëta. Ato prekin të gjitha aspektet e raporteve të ndërtuara me njëri-tjetrin. Besimi këtu është i nevojshëm. Ai rritet, nëse partnerët në konflikt sillen në mënyrë të hapur dhe të sinqertë. 

8. Empatia
Në dialog ose përmes ndërmjetësimit është e mundur të kuptosh këndvështrimet, detyrimet dhe interesat e partnerit në konflikt për t'i marrë ato më pas parasysh në sjelljen tënde. Nga ana tjetër rritet edhe gatishmëria për të marrë përsipër përgjegjësinë për pjesën tënde të konfliktit.

9.Të përbashkëtat
Janë të përbashkëtat dhe jo dallimet ato që njihen gjithnjë e më shumë prej partnerëve në konflikt. E këtu ndodh edhe një afrim me bindjet dhe vlerat përkatëse.

10. Kompensimi i interesave dhe pajtimi
Një raport i ri mes palëve në konflikt është duke u zhvilluar. Në rastin ideal do të gjendet një zgjidhje, me anë të së cilës interesat e të dyja palëve do të jenë të kënaqur të paktën pjesërisht. Kështu bëhet i mundur pajtimi.

[Autor: Günther Gugel, Instituti për Pedagogjinë e Paqes Tübingen; Redaktimi: Ragnar Müller]

[Kreu i faqes]

 

Temat:  Të drejtat e njeriut  I  Modele  I  Demokracia  I  Partitë  I  Evropa  I  Globalizimi  I  Kombet e Bashkuara  I  Qëndrueshmëria

Metodat:    Didaktika politike    II    Pedagogjia e Paqes    II    Metodat

     

Kjo ofertë online mbi edukimin politik është zhvilluar nga agora-wissen, Shoqata e Shtutgartit për përçim dijesh përmes mediave të reja dhe edukimit politik (GbR). Në rast pyetjesh ose vërejtjesh drejtohuni Ju lutemi te ne.