Kursi bazë 2: Çfarë do të thotë paqe?

Pedagogjia e Paqes qëndron si organ ndërmjetës mes teorisë shkencore - në thelb të kërkimeve mbi paqen dhe konfliktin - dhe praktikës referuar adresatëve, pra edukimit të paqes. Kjo sekuencë e dytë e kurseve bazë u kushtohet koncepteve qendrore të paqes, luftës, dhunës dhe konfliktit, pra trajton çështje në lidhje menjohuritë në fushën e kërkimeve mbi paqen dhe konfliktin. Këto përbëjnë sfondin për punën e pedagogjisë së paqes, për të cilën bëhet fjalë në Kursin bazë 3, si dhe për fillesat praktike të edukimit të paqes, të cilat do të prezantohen në Kursin bazë 4.

Çfarë do të thotë paqe? - Kjo pyetje-laitmotiv është edhe mbishkrimi i këtij kursi bazë. Një përgjigje e parë mund të ishte: e kundërta e luftës. Menjëherë pas kësaj do të vijonte pyetja, se cili do të ishte përkufizimi i luftës. Është e vetëkuptueshme, që në lojë do të duhet të vijnë konceptet e dhunës dhe konfliktit. Dhe me kaq është skicuar rrethi tematik i këtij kursi bazë: A përshkruhet vërtetë në mënyrë të përshtatshme paqja me mungesën e luftës. A duhet te hyjnë në skenë edhe faktorë të tjerë? Po koncepti i sigurisë? Çfare roli luan drejtësia? A mund të përfytyrohen  raporte njëkohësisht paqësore dhe të padrejta?

Sigurisht, që këtyre pyetjeve, objekt i politikës dhe filozofisë politike prej kohësh të hershme,  nuk mund t'u jepet përgjigje ezauruese brenda kuadrit të këtij kursi bazë. Qëllimi i këtij kapitulli ështe, që të jepet nxitja për t'u marrë me këtë problematikë në mënyrë të pavarur. Pikënisjen për këtë e ofron konstatimi, sipas të cilit, do të ishte ndoshta  me vend nga pikëpamja analitike, të mos fillonim me përkufizimet e sakta të luftës (çka do të kish qenë e vështirë) dhe të paqes (çka do të kish qenë e pamundur), por të sqaronim këte kontinuum, sikurse e tregon edhe grafiku i mëposhtëm:

Sfondin (e padukshëm) në këtë kontinuum e formon konflikti, si tërësia e fakteve bazë të jetës. Konflikte ka gjithmonë dhe kudo. Çështja vendimtare është, nëse konfliktet do të menaxhohen me dhunë apo jo. Ky kontinuum ndahet në dy pjesë të barabarta përmes civilizimit të konfliktit si pikë kthese. Lufta dhe paqja formojnë dy ekstremet. Kriteri më i rëndësishëm është masa e dhunës: nëse ajo përdoret në masë ekstreme, dominon lufta. Nëse kemi të bëjmë me një masë të lartë mungese dhune - apo sido që të quhet - atëherë zotëron paqja. Përballë dhunës aktuale dhe të strukturuar në anën e majtë qëndrojnë bashkëpunimi dhe integrimi në anën e djathtë.  

Grafiku përçon një përshtypje të parë të asaj, se si mund të lidhen me njëri-tjetrin konceptet e luftës dhe paqes, dhunës dhe konfliktit. Ai tërheq gjithashtu vëmendjen në lidhje me faktin, se trajtimi i duhur i ketyre koncepteve është  i mundur vetëm në synopse. Fakti, që kapitujt e veçantë vënë në qendër të tyre vetëm njërin prej këtyre koncepteve nuk duhet të na ngatërrojë.

Kapituj të tjerë në kuadrin e Kursit bazë 2:

[Autor: Ragnar Müller]

[Kreu i faqes]