D@dalos - Pedagogjia e Paqes: Kursi baze 1

Pedagogjia e Paqes

Kursi online mbi temën e Pedagogjisë së Paqes ndahet në pesë sekuenca kursesh bazë:

Kursi bazë 1:	Cfarë është Pedagogjia e Paqes? Këtu mund të gjeni një hyrje në tematikë dhe një përkufizim.
Kursi bazë 2:	C'do të thotë Paqe? Kursi i dytë bazë u kushtohet koncepteve qendrore të Paqes, Luftës, Dhunës, Konfliktit dhe pyet në lidhje me njohuritë në kërkimet mbi paqen dhe konfliktin.
Kursi bazë 3:	Përse na duhet Pedagogjia e Paqes? Në kursin e tretë bazë bëhet fjalë për detyrat dhe qëllimet e pedagogjisë dhe edukimit të paqes.
Kursi bazë 4:	Cfarë bëjnë pedagogët e paqes? Kursi bazë i katërt hedh një vështrim në praktikë. Me anë shembujsh konkretë prezantojmë fushën e përpunimit konstruktiv të konflikteve si thelbi i edukimit të paqes.
Kursi bazë 5:	Pedagogjia e Paqes dhe Fair Play Edukimi i paqes nuk kufizohet aspak në mësimin e politikës. Në bazë shembujsh do të merremi me Fair Play dhe parandalimin e dhunës në sport.

Kursi bazë 1: Cfarë është Pedagogjia e Paqes?

Teksti i mëposhtëm përmbledh aspektet më të rëndësishme, të cilat do të thellohen në kurset e veçanta bazë të kompleksit tematik:

"Pedagogjia e Paqes si organ ndërmjetës mes teorisë (kërkime mbi paqen dhe konfliktin) dhe praktikës referuar adresatëve (edukimi i paqes) kontribuon përmes teorive të veta dhe zhvillimit të modeleve të të mësuarit në analizën dhe menaxhimin e konflikteve dhe dhunës në nivel individual, specifiko-grupor, kombëtar/shoqëror dhe ndërkombëtar (...).

[Analisti norvegjez i paqes dhe konfliktit, Johan Galtung, ben pjese ne perfaqesuesit me te spikatur te fushes]

Zhvillimi historik i Pedagogjisë së Paqes pas Luftës së Dytë Botërore rrodhi në faza, që priheshin me njëra tjetrën dhe që sot vazhdojnë të ekzistojnë pjesërisht pranë njëra-tjetrës: faza e parë, 'Pedagogjia individualiste-idealiste e Paqes' karakterizohej nga një sentencë individualiste: "Lufta fillon në kokat e njerëzve'. Faza e dytë, një teori e orientuar për nga shkencat politike e konceptonte luftën si një problem politik të Sistemit Ndërkombëtar. Faza e tretë ishte nën efektin e konfliktit tashmë të kapërcyer Lindje-Perëndim (...). Sa për instrumentalin e përmbajtjes, aty bënin pjesë koncepti negativ dhe pozitiv i paqes, si dhe koncepti i drejtpërdrejtë, strukturor dhe kulturor i Johan Galtung për dhunën (...). Po kështu edhe problematika ekologjike u përfshi në konceptimin përfundimtar të një Ökopax-i në kuadrin e idesë së eliminimit të përgjithshëm të dhunës kundër natyrës (...).

Të mësuarit në kuadrin e edukimit të paqes kuptohet si të mësuar social dhe politik: të mësuarit social si vënie në jetë e 'principeve pedagogjike', për të hedhur poshtë 'strukturat e sundimit' dhe për të ngritur pjesëmarrjen dhe bashkëvendosjen e të gjithë aktorëve të jetës shkollore. Të mësuarit politik (i paqes) duhet të orientohet për nga temat kyçe".

[nga: Susanne Lin, Koncepti qendror"Edukimi i paqes"]

UNESCO - Organizata botërore për Edukim, Shkencë, Kulturë dhe Komunikim - bën pjesë në organizatat më të rëndësishme ndërkombëtare në fushën e edukimit të paqes. Nën titullin "Aftësia për të mësuar: pasuria jonë e fshehur" ajo ka publikuar një raport mbi edukimin në shek. e 21-të. Në konceptin e edukimit skicuar në këtë raport edukimi i paqes luan një rol të rëndësishëm. Fragmentet më të rëndësishme të këtij raporti i gjeni të dokumentuara në një faqe të veçantë.
[... mbi raportin e UNESCO-s]

Citati i mëposhtëm në lidhje me "Education for a Culture of Peace" bën të qartë parimin e UNESCO-s në fushën e edukimit të paqes:

"The development of a holistic approach, based on participatory methods and taking into account the various dimensions of education for a culture of peace (peace and non-violence, human rights, democracy, tolerance, international and intercultural understanding, cultural and linguistic diversity) is its main objective."

Informacione të mëtejshme mbi aktivitetet e UNESCO-s: http://www.unesco.org/education/ecp/index.htm

Meqenëse luftërat fillojnë në kokat e njerëzve, duhet që në kokat e njerëzve të merren masat paraprake për paqen - Preambula e Kushtetutës së UNESCO-s 1945

... Shko më tej te Kursi bazë 2: Çfarë do të thotë paqe?

[Autor: Ragnar Müller]

[Kreu i faqes]

Temat: Të drejtat e njeriut I Modele I Demokracia  I Partitë I Evropa I Globalizimi I Kombet e Bashkuara I Qëndrueshmëria

Metodat:    Didaktika politike    II    Pedagogjia e Paqes    II    Metodat



Kjo ofertë online mbi edukimin politik është zhvilluar nga agora-wissen, Shoqata e Shtutgartit për përçim dijesh përmes mediave të reja dhe edukimit politik (GbR). Në rast pyetjesh ose vërejtjesh drejtohuni Ju lutemi te ne.