Fakte dhe shifra

• Rreth 100 milion fëmijë nuk kanë çasje në shkollim fillestar, së paku 60% prej tyre janë femra.

• Mbi 2/3 e gjithsej 960 milion analfabetëve të rritur janë të gjinisë femrore.

• Më shumë se gjysmën e peshës së përgjithshme të punës e bartin femrat. Meshkujt e kalojnë 3/4 e kohës së tyre të punës në punë të paguar, derisa vetëm 1/3 e punës së femrave paguhet.

• Të ardhurat e femrave nga puna e paguar përbëjnë rreth 75% të të ardhurave të meshkujve.

• Mbi 90% të shërbëtorëve shtëpiak (angazhimi më i shpeshtë i fëmijëve që punojnë) janë femra të moshës 12-17 vjeçare.

• 60 deri 100 milion vajza u përzunë, u vranë, u ushqyen në mënyrë të pamjaftueshme apo u mospërfillën në mënyrë të tmerrshme për shkak të përkatësisë së tyre gjinore.

• Vajzat kanë më pak gjasa për ta arritur moshën e rritur. Në disa pjesë të botës numri i meshkujve e tejkalon atë të femrave për 5%.

• Si rezultat i diskriminimit të qëllimtë të vajzave në ushqim dhe shëndetësi, për shkak të ushqimit të pamjaftueshëm, kanë mbetur prapa në aspektin e zhvillimit fizik 450 milionë femra të rritura.

• Mbi 16,4 milion femra janë të infektuara me virusin HIV/AIDS. Në disa rajone të Afrikës dhe Azisë me virusin HIV-pozitiv janë të infektuara pesë herë më shumë femra se sa meshkuj. Çdo e treta femër në Botsuana e moshës 15-45 vjeçare është HIV-pozitive!

• Çdo e pesta femër në botë bie viktimë e dhunimit.

• Mes 40-60% të të gjitha veprave penale seksuale kryhen ndaj vajzave nën moshën 16 vjeçare.

• Shumica e personave klandestin janë femra. Shumë prej tyre shiten/ndërmjetësohen në industrinë e seksit. Një numër jo i vogël rrëmbehen apo shiten nga vetë familjet e tyre.

• Rreth 50 milion njerëz janë në ikje, 75-80% prej tyre janë gra dhe fëmijë.

• 80% e viktimave të armëve të zjarrit në luftë janë femra.

• Mbi 300.000 të rinjë shërbejnë në tërë globin si ushtarë fëmijë, shumë prej tyre janë refugjatë të gjinisë femrore.

• Në botë supozohet se jetojnë 1,3 miliard njerëz në varfëri absolute, me të ardhura ditore prej më pak se një dollar amerikan. Rreth 70% e tyre janë femra.

• Që nga viti 1970, numri i femrave që jetojnë në varfëri është rritur për 50%, ndërsa ai i meshkujve për 30%.