Mosinteresimi

Demokracia

Politikë? — jo faleminderit!...

Familie beim Fernsehen

Në kurset e deritanishme, në familjen tonë para televizorit, çdo gjë funksionoi pa vështirësi. Ndoshta kjo fotografi e ka bezdisur ndonjërin nga ju, duke qenë i mendimit se ajo nuk i përgjigjet realitetit. Për devijime të tilla ekzistojnë dy mundësi. Rregullat e paraqitura në familjen tonë nuk përputhen me pikëpamjen tonë ideale, ose pjesëtarët e familjes nuk u përmbahen rregullave.

Shembull për mundësinë e parë do të ishte rasti kur njëri nga pjesëtarët e familjes me bateritë e telekomandës do të fitonte aq shumë pushtet, saqë do të distancohej nga pjesëtarët e tjerë të familjes dhe nuk do t'i merrte në konsideratë kërkesat e tyre. Si shembull tjetër mund të shërbejё dhënia e telekomandës për një kohë të pacaktuar njërit nga pjestarët e familjes. Në të dyja këto raste cënohet parimi themelor demokratik i ndarjes së pushtetit, i njohur nga kursi bazë 3. Pjesëtarëve të familjes, përveç kësaj u mungojnë edhe mundësitë e kontrollit të mbajtësit të telekomandës.

Edhe për rastin e dytë ekzistojnë shembuj të mjaftueshëm. Kështu psh. do të paraqiste shkelje të rregullave të pashkruara rasti kur mbajtësi i telekomandës, p.sh. e bija, pas zgjedhjes së saj nuk do t'i përmbahej programit, për të cilin familja ishte marrë vesh të shikohej, por do ta linte kundër vullnetit të shumicës programin e saj të dëshiruar ose do të zgjidhte programin e dëshiruar të të atit, pasi ai e kishte blerë atë më parë me një copë ëmbëlsirë.

[Kreu i faqes]

Kjo pjesë merret pra me problemet e sipërpërmendura, me të cilat duhet të konfrontohet çdo demokraci. Ashtu si në shembullin tonë me familjen para televizorit ndodh edhe në shtetin demokratik. Pikëpamja ideale niset nga një marrëdhënie e cila funksionon mirë ndërmjet zgjedhësve dhe përfaqësuesve të zgjedhur, marrëdhënie kjo, e cila bazohet në veprime të ndërsjella, të cilat bëjnë që të dyja grupet të jenë të varura nga njëra-tjetra. Megjithatë, edhe këtu ngjvihen re devijime nga ideali. Shpesh ndodhë që përfaqësuesit të mos i përmbahen marrëveshjeve. Në këtë mënyrë zhgënjehen pritjet e zgjedhësve nga përfaqësuesit e tyre të zgjedhur. Te zgjedhësit krijohet përshtypjen se ata nuk kanë më ndikim mbi përfaqësuesit e tyre të zgjedhur e në këtë mënyrë as në politikë.

Edhe politikanët e korruptuar, të cilët nuk u përmbahen rregullave dhe veprojnë vetëm në interesin e tyre e jo të zgjedhësve të tyre, krijojnë në popullsi ndjenjën e mosbesimit (disa madje i konsiderojnë të gjithë politikanët kriminelë). Kështu mund të ndodhë që pjesë të popullsisë të mos interesohen më për politikë, të mos dalin më në zgjedhje dhe të mos angazhohen as në forma tё tjera me politikë. Në këso rastesh bëhet fjalë për mosinteresim pёr politikë. Demokracia ndërkaq, nëse dëshiron të funksionojё kënaqshëm, është e varur nga pjesëmarrja e qytetarëve.

[Kreu i faqes]

Në rastin e familjes sonë kjo do të nënkuptonte që njëri apo më shumë pjesëtarë të familjes nuk do të marrin më pjesë në zgjedhjen e programit televiziv dhe në dhënien e baterive për telekomandën. Nëse pjesa e të painteresuarve për politikë dhe e bojkotuesve të zgjedhjeve në popullsi është shumë e madhe, atëherë kjo përbën problem për mbajtësin e telekomandës në këtë rast pёr politikanin e zgjedhur, sepse kjo pjesë e popullsisë nuk e përkrah pushtetin apo politikën e të zgjedhurit. Në këtë mënyrë bie legjitimiteti i tij. Me pakësimin e numrit të baterive keqësohet edhe funksionimi i telekomandës.

Problemet nuk qëndrojnë vetëm te të zgjedhurit, por edhe te mospjesёmarrёsit, pёr arsyen e thjeshtë se ata nuk mund të bashkëvendosin. Ata heqin dorë nga e drejta e tyre për të bashkëvendosur rreth programit, e kjo me siguri nuk do t'i bëjë më të kënaqur. Thënë shkurt: Institucionet dhe rregullat në demokraci duhet të krijohen në një mënyrë të tillë, e cila jo vetëm që mundëson pjesёmarrjen e qytetarëve, por edhe e lehtëson atë. Qytetarët vetë duhet t'i shfrytëzojnë këto mundësi. Këtë detyrë të tyre nuk mund t'ua marrë asnjë konstruksion i rafinuar i demokracisë.

...Politikë? — jo pa mua!

[Kreu i faqes]

Temat: Të drejtat e njeriut  I Modele I Demokracia I Partitë I Evropa I  Globalizimi I Kombet e Bashkuara I Qëndrueshmëria

Metodat:    Didaktika politike    II    Pedagogjia e paqes    II    Metodat



Kjo ofertë Online mbi edukimin politik u zhvillua nga a gora-wissen, Shoqata e Shtutgartit për përçim dijesh përmes mediave te reja dhe edukimit politik. Në rast pyetjesh apo vërejtjesh drejtohuni Ju lutem te ne.