Kushtet

Demokracia

Kur janë demokratike zgjedhjet?

Zgjedhjet janë mbajtur dhe mbahen edhe në diktaturat dhe sistemet totalitare. Por ato nuk i përmbushin kriteret që duhet të plotësojnë zgjedhjet demokratike. Në këtë pjesë bëhet fjalë për kriteret në fjalë të zgjedhjeve. Çfarë kushtesh duhen plotësuar që zgjedhjet të quhen "demokratike"?

Në fillim duhet të shqyrtohet thënia "zgjedhje" të vërteta. Kjo do të thotë se zgjedhësit duhet ta kenë vërtet mundësinë e zgjedhjes mes alternativave të ndryshme. Përveç këtij kriteri përmbajtësor, zgjedhjet duhet të plotësojnë edhe këto kushte më tepër formale:

Zgjedhjet demokratike duhet të jenë:

të përgjithshme
të barabarta
të fshehta
të lira

[Kreu i faqes]

E drejta e përgjithshme e votës

Ky kusht do të thotë se parimisht të gjithë qytetarët e një shteti, pas mbushjes së një moshe të caktuar, kanë të njëjtën të drejtë votimi dhe mund të marrin pjesë në zgjedhje. Raca, gjinia, gjuha, të ardhurat apo prona, profesioni, gjendja apo klasa, niveli arsimor, feja dhe bindja politike nuk luajnë kurrfarë roli në këtë aspekt.

E drejta e barabartë e votës

Me të drejtën e barabartë të votës, çdo votë ka të njëjtën peshë. Kjo përjashton p.sh. mundësinë që vota e një zgjedhësi me të ardhura të larta të peshojjë më shumë se sa vota e zgjedhësit me të ardhura më të ulëta.

Rëndësia e të drejtës së përgjithshme dhe asaj të barabartë të votës mund të shprehet edhe si vijon:

One man, one vote, one value

E drejta e fshehtë e votës

Në zgjedhjet e fshehta, zgjedhësi ka mundësinë e dhënies së votës së tij pa qenë e mundur që të tjerët të njohin vendimin e tij. Kjo është shumë e rëndësishme, sidomos për të penguar vënien nën presion për shkak të zgjedhjes së tij.

E drejta e lirë e votës

Në zgjedhjet e lira, çdo qytetar ka mundësinë e vendosjes për shfrytëzimin apo jo të mundësisë për zgjedhje. Në këtë mënyrë mënjanohet mundësia e ushtrimit të presionit mbi qytetarin për shkak të vendimit të tij.

[Kreu i faqes]

Temat: Të drejtat e njeriut  I Modele I Demokracia I Partitë I Evropa I  Globalizimi I Kombet e Bashkuara I Qëndrueshmëria

Metodat:    Didaktika politike    II    Pedagogjia e paqes    II    Metodat



Kjo ofertë Online mbi edukimin politik u zhvillua nga a gora-wissen, Shoqata e Shtutgartit për përçim dijesh përmes mediave te reja dhe edukimit politik. Në rast pyetjesh apo vërejtjesh drejtohuni Ju lutem te ne.