Zgjedhjet

Demokracia

Elementet themelore të shtetit demokratik (I): Zgjedhjet

Zgjedhjet	Parlamenti	Qeveria
Opozita	Ndarja e pushtetit	Shteti juridik

Demokracia karakterizohet nga dalja e pushtetit nga nga populli. Pra populli vendos. Tingëllon thjesht por mesa duket jo në praktikë? Kujtojmë edhe njëherë shembullin e kursit bazë 1 me familjen, e cila duhet të vendosë se çfarë programi do të shohë në televizor.

	Kur flasim për zgjedhjet, në shembullin tonë kjo i përshtatet procesit, në të cilin familja vendos se kush do ta mbajë telekomandën dhe çfarë programi do të shihet.
	Kjo është pikërisht e rëndësishme, sepse në popullsi ekzistojnë interesa të ngjashme me ato të familjes sonë. Në kushte të zakonshme nuk kanë të gjithë të njëjtin mendim. Në këtë rast është e domosdoshme gjetja e rrugës për zgjidhje pa dhunë të konfliktit të interesave.

Një procedurë e tillë është demokracia me zgjedhje të rregullta dhe me vendim të shumicës. Përfaqësuesit e zgjedhur marrin vendime, të cilat më pas vlejnë për të gjithë, pra edhe për pakicën e mundur në zgjedhje apo votim. Me fjalë të tjera, ata zgjedhin programin që do të shihet më pas nga të gjithë.

Një veçanti e rëndësishme e demokracisë është zotërimi nga secili i një baterie të telekomandës. Në realitet kjo bateri përkon me votën që mund të jepet në zgjedhje.

Me dhënien e votës një kandidati dhe/apo partie njëkohësisht merret edhe vendimi për programin, të cilin kandidati apo partia synon ta realizojë në shtet. Në këtë mënyrë, çdo votues jep mendimin e tij në lidhje me programin e ardhshëm të shtetit. Në mënyrë që ai që zgjidhet të ketë edhe mundësinë e realizimit të programit të tij, bashkë me votën, atij i jepet edhe bateria për telekomandën. I zgjedhuri fiton në këtë mënyrë të drejtën dhe mundësinë e qeverisjes së shtetit për një kohë të caktuar. Kjo legjitimohet me dhënien e baterisë, pra me zgjedhjen e popullit. Kjo nënkuptohet pra kur thuhet se në demokraci i gjithë pushteti del nga populli.

Një tekst tjetër sqaron lidhjen mes sovranitetit të popullit dhe zgjedhjeve.

[Kreu i faqes]

Zgjedhjet janë zemra e demokracisë. Në pjesët e mëposhtme shtjellohen aspekte të rëndësishme të zgjedhjeve demokratike:

E drejta zgjedhore

Kushtet për zgjedhje demokratike

Zgjedhje do të thotë bashkëvendosje

[Kreu i faqes]

Sistemi zgjedhor

Ligji zgjedhor i një shteti parasheh mënyrën e organizimit dhe të funksionimit të zgjedhjeve dhe mënyrën e llogaritjes së votave në mandate në parlament. Ky ligj ndryshon nëpër vende të ndryshme dhe ka ndikim të madh në strukturën e qeverisjes dhe në sistemin partiak. Emërues i përbashkët i të gjitha vendeve është kufizimi i kohës së pushtetit. Për këtë arsye është e domosdoshme mbajtja e zgjedhjeve të rregullta në një ritëm të caktuar kohor. Popullit duhet t`i jepet mundësia e ndërrimit të qeverisë në mënyrë paqësore nëse ai nuk është i kënaqur me punën e saj.

Një tekst tjetër merret me të drejtën zgjedhore, në mënyrë të veçantë me dallimin mes zgjedhjeve sipas sistemit maxhoritar dhe atij proporcional.

[Kreu i faqes] [Kthehu në vështrimin e përgjithshëm]

Kushtet për zgjedhje demokratike

Duhet thënë se jo të gjitha zgjedhjet janë demokratike. Për zgjedhjet në sistemet demokratike ekzistojnë kritere të caktuara që cilat duhen plotësuar me qëllim garantimin e tyre. Zgjedhjet demokratike duhet të jenë të përgjithshme, të fshehta dhe të lira.

Një tekst tjetër rendit dhe shpjegon kriteret e zgjedhjeve demokratike. Më gjerësisht, këto kushte trajtohen edhe në tekstin mbi temën "Sovraniteti i popullit dhe zgjedhjet".

[Kreu i faqes] [Kthehu në vështrimin e përgjithshëm]

Zgjedhje do të thotë bashkëvendosje

Ai që nuk merr pjesë në zgjedhje, heq dorë nga bashkëvendosja për të ardhmen e tij. Ai duhet të pranojë vendimin e popullsisë zgjedhëse. Në këtë mënyrë ai e shpall veten të të papjekur.

Ai që synon ndryshime në shoqëri, duhet ta japë votën e tij, e madje më tepër se kaq. Nëse do që vota e tij të fitojë në zgjedhje, ai duhet të angazhohet aktivisht dhe ta përfaqësojë mendimin e tij. Sepse çdo qytetar ka mundësi ta përfaqësojë mendimin e vet, jo vetëm gjatë zgjedhjes së deputetëve, por edhe në shumë sfera të tjera të jetës së përditshme. Çdo qytetar i përgjegjshëm për demokraci i shfrytëzon mundësitë e përmendura.

[Kreu i faqes]

Temat: Të drejtat e njeriut  I Modele I Demokracia I Partitë I Evropa I  Globalizimi I Kombet e Bashkuara I Qëndrueshmëria

Metodat:    Didaktika politike    II    Pedagogjia e paqes    II    Metodat



Kjo ofertë Online mbi edukimin politik u zhvillua nga a gora-wissen, Shoqata e Shtutgartit për përçim dijesh përmes mediave te reja dhe edukimit politik. Në rast pyetjesh apo vërejtjesh drejtohuni Ju lutem te ne.