Patronazhi

-Partitë

Partitë në kritikë (I)

Jo rrallë thuhet se partitë e kanë zgjeruar shumë pozitën e tyre të rëndësishme në shtet dhe ndërkohë luajnë rol dominant në pushtet, rol që nuk iu takon. Për të argumentuar këtë qëndrim thuhet se në shumë shtete pothuajse asnjë post në shtet apo shoqëri nuk mund të zihet pa pasur teserën partiake. Teksti në vijim merret me problemin e partonazhit të posteve dhe përdor në këtë aspekt shembullin e Gjermanisë.

Problemi i patronazhit të posteve dhe pozita (sipas mendimit të kritikëve) e tepruar e pushtetit të partive ka shkaktuar fillimin e diskutimeve rreth rolit të partive, të cilat përmblidhen me nocionet "demokracia e partive" dhe "shteti i partive". Argumentet kryesore i kemi përmbledhur në një pjesë të veçantë [...kalo në pjesën "Shteti i partive"]

Patronazhi i posteve

Numri i anëtarësimeve në parti [në RFGJ] është rritur dukshëm në vitet 70 dhe në aspektin afatgjatë sillet ende në nivele të larta. Numri më i madh i anëtarëve nuk përfitojnë asgjë nga anëtarësia e tyre. Për të realizuar qëllimet, sipas tyre të drejta, shumë humbasin kohën, e jo rrallë edhe fuqinë e tyre fizike dhe të hollat. Ndërkohë që në raste jo të rralla anëtarësimi bëhet me parallogaritje. Në një shtet si Republika Federale Gjermane, partitë e rëndësishme u japin shumë poste anëtarëve të tyre. Me këtë rast shfaqet rreziku që postet e rëndësishme publike të mos ndahen në mënyrë përparësore sipas aftësive, por sipas teserës "së vërtetë" partiake (patronazhi i posteve). Politologu gjerman nga Freiburgu, Vilhem Henis, shprehet:

"Ta ngresh veten si pedagog i kualifikuar me ndihmën e teserës partiake në pozitën e drejtorit të shkollës për mua nuk është aspak më dinjitoze se kualifikimi përmes meritave prej oficeri rezervë. Shoqëria e lirë jeton ndër të tjera nga ndarjet e saj, kufizimet, dallimet. Shteti demokratik i partive qëndron përballë rrezikut të futjes në vetëdijen e qytetarëve të tij si aleancë dhe sistem karrierash. Partitë demokratike si instrumente të pashmangshme të prezantimit të vullnetit të qytetarëve, parë në aspektin afatgjatë do të përfitojnë më pak nga ky zhvillim."

Patronazhi i posteve dhe karakteri politik i "qosheve të ngrohta" mund t'i shkaktojë dëme zhvillimit të demokracisë së partive. Po të merret seriozisht paragrafi 33, neni 2 i Ligjit Themelor Gjerman, sipas të cilit, çdo gjerman, bazuar në aftësitë dhe kualifikimin profesional, ka të drejta të barabarta në çdo post publik, atëherë, partitë (edhe në interesin e tyre personal) nuk duhet t'i mbyllin sytë para çrregullimeve të dukshme. Ekzistojnë edhe zëra kritikë, të cilët nuk e kuptojnë mosinteresimin për partitë (i cili në asnjë mënyrë nuk duhet identifikuar me bindjen kundër partive) dhe që pranojnë se proteksioni i anëtarëve partiakë është zgjeruar tej mase. Kjo natyrisht nuk do të thotë që anëtarët partiakë që konkurrojnë për poste publike të jenë domosdoshmërisht "gjahtarë të posteve". Sidoqoftë, partive politike u takojnë veçanërisht "zyrtarët politikë" (p.sh. sekretarët e shtetit dhe zyrtarët e tjerë të lartë), sepse ata, pikëpamjet e tyre politike, për shkak të ndikimit që ushtrojnë, duhet t'i përshtasin në masë të madhe me pikëpamjet e qeverisë. Për këtë arsye ata mund të dërgohen në çdo kohë në radhë pritjeje.

[Uwe Backes/Eckhard Jesse, nga: Informationen zur politischen Bildung 207, Parteiendemokratie, Bonn BpB 1997]

[Kreu i faqes]

Temat: Të drejtat e njeriut  I Modele I Demokracia I Partitë I Evropa I  Globalizimi I Kombet e Bashkuara I Qëndrueshmëria

Metodat:    Didaktika politike    II    Pedagogjia e paqes    II    Metodat



Kjo ofertë Online mbi edukimin politik u zhvillua nga a gora-wissen, Shoqata e Shtutgartit për përçim dijesh përmes mediave te reja dhe edukimit politik. Në rast pyetjesh apo vërejtjesh drejtohuni Ju lutem te ne.