Linklista

Të drejtat e njeriut

World Wide Web

Links me faqe që kanë të bëjnë me temën Të drejtat e njeriut

Vështrim mbi faqet e prezantuara:

Duke klikuar mbi linket përkatëse kaloni drejtpërdrejt në faqen e internetit të organizatës përkatëse

amnesty international	Human Rights Library	Human Rights Watch
One World	Kombet e Bashkuara	UNICEF
UNESCO	UNHCHR	Këshilli i Evropës

amnesty international (ai): http://www.amnesty.org

Organizatat e shumta joqeveritare të ashtuquajtura „INGO" (International Non-Governmental Organizations), e kanë vënë re me kohë rëndësinë e internetit për veprimtarinë e tyre. Kjo vlen në mënyrë të veçantë për amnesty international (AI), njërën ndër organizatat më të rëndësishme të këtij lloji që angazhimin e tyre ia kanë kushtuar luftës për të drejtat e njeriut. Motoja e saj është të sqarojë detyrat dhe qëllimet e organizatës: "working to protect human rights worldwide". Nëpërmjet lidhjes "About AI" në listelën horizontale të navigimit, mund të kaloni në një tekst të shkurtër, i cili ju informon mbi organizatën dhe veprimtarinë e saj.

"AI" ka rreth një milion anëtarë në 162 shtete, pra është një organizatë botërore. Detyrat kryesore të saj: "campaigns to free all prisoners of conscience; ensure fair and prompt trials for political prisoners; abolish the death penalty, torture and other cruel treatment of prisoners". Përveç kësaj, në kapitullin "About AI", mund të gjeni lidhje me informata të zgjeruara mbi veprimtarinë e e organizatës, e veçanërisht mbi:

	Facts and figures about ai
	ai - a brief history
	Recommendations for the protection and promotion of human rights (12-Point-Program for the prevention of torture, 14-Point-Program for the prevention of extra judicial executions)

Në faqen e internetit të Ai-së, do të gjeni natyrisht edhe raportet tashmë të njohura anembanë botës mbi të drejtat e njeriut të kësaj organizate. Përveç kësaj, në të ju presin edhe informacione të hollësishme mbi rajonet aktuale të krizave dhe thirrjet për t'u bashkuar me fushata dhe aksione të ndryshme. Pikërisht në këtë fushë interaktive vërehet edhe rëndësia e internetit për punën e organizatave si AI. Nëpërmjet këtij mjeti global synohet sensibilizimi dhe mobilizimi i njerëzve anembanë botës.

Në faqen e internetit të AI-së do të gjeni edhe një listë të zgjeruar linkesh me faqet që kanë të bëjnë me temën e të drejtave të njeriut. Faqja e internetit e AI-së, nga ana vizive, por edhe për nga lehtësia për t'u naviguar, është shumë e rekomanduar, në mënyrë të veçantë si faqe shumë e përshtatshme për hyrje në fushën e të drejtave të njeriut.

[Kreu i faqes]

Human Rights Library: http://www1.umn.edu/humanrts/

Human Rights Library (University of Minnesota) është e pashmangshme për të gjithë ata, të cilët kërkojnë materiale dhe dokumente rreth temës Të drejtat e njeriut. Në faqen në fjalë, ndër të tjera do të gjeni lidhje me faqet që shtjellojnë temat vijuese:

	Treaties and other International Instruments
	Bibliographies and Research Guides
	Human Rights Education (!)
	Asylum and Refugee Materials
	Links to over 1000 other sites

Përveç kësaj, nën titullin „Human Rights Search Engines", përmes linkut „Search for documents on multiple human rights sites", kaloni në formularin, me ndihmën e të cilit mund të kërkoni informacione mbi temën rreth temës në burime të tjera.

[Kreu i faqes]

Human Rights Watch: http://www.hrw.org

E themeluar në vitin 1978 me emrin "Helsinki Watch", Human Rights Watch, sikurse amnesty international, i kushtohet mbrojtjes ndërkombëtare të të drejtave të njeriut. Ajo është e ndarë në pesë njësi rajonale për rajone të ndryshme të botës dhe në tri zyra të veçanta tematike: për armë, të drejtat e grave dhe të fëmijëve. Qëllimet e organizatës, në faqen (Link "About Human Rights Watch"), janë përmbleldhur si më poshtë:

"Human Rights Watch is dedicated to protecting the human rights of people around the world. We stand with victims and activists to prevent discrimination, to uphold political freedom, to protect people from inhumane conduct in wartime, and to bring offenders to justice. We investigate and expose human rights violations and hold abusers accountable (...)."

Kjo faqe interneti ndër të tjera përmban:

	Lajme aktuale mbi shkeljet e të drejtave të njeriut
	Informacione mbi fushatat aktuale në fushën e të drejtave të njeriut (psh. minat tokësore)
	Publikimet e organizatës (si psh. raporti vjetor HRW World Report)
	Informacione, komente, tekste rreth problemeve aktuale

Shumë e rekomandueshme është edhe harta e botës, në të cilën, duke klikuarmbi vendin përkatës të shënuar në të, mund të lexoni raportet e organizatës mbi atë vend. Këtu bëhet i qartë volumi i madh informacioneve të ofruara nga Human Rights Watch.

[Kreu i faqes]

OneWorld: http://www.oneworld.net

Këtu bëhet fjalë për përmbajtjen e internetit të faqes së One World Broadcasting Trust, qëllimi i së cilës është ofrimi i informacioneve mbi temat botërore. Duke i parë përparësitë e internetit, në fillim të vitit 1995 filloi zhvillimi i faqes OneWorld Online. Në këtë faqe, e cila tashmë ka marrë shumë çmime, qëllimet e organizatës janë të radhitura si më poshtë ("about us: background"):

"OneWorld is dedicated to promoting human rights and sustainable development by harnessing the democratic potential of the Internet. (...) Our aim is to bear witness to the injustice and to help people shed whatever light they can on it. (...) Bringing issues into the light, we believe, is a first step towards positive change."

Përveç paraqitjes vizive dhe dizajnit të suksesshëm, dallohet veçanërisht struktura e përmbajtjes dhe e risive, e cila shfrytëzohet ndërkohë nga rreth 250.000 lexues. Bëhet fjalë për një "super faqe", e cila ka hyrje dhe funksione të përbashkëta kërkimi me përmbajtjet e mbi 100 organizatave partnere. Kërkimin e informacioneve e lehtëson edhe indeksi i vendeve dhe ai i temave. Veçanti tjetër e faqes në fjalë është edhe ndarja e pjesës së veçantë për fëmijë dhe të rinj ("next.gen").

Falë mundësive të mrekullueshme të kërkimit, faqja në fjalë e internetit është një burim shumë i rëndësishëm informacioni.

[Kreu i faqes]

Kombet e Bashkuara: http://www.un.org

Ndër qëllimet kryesore të organizatës globale është respektimi i të drejtave të njeriut. E themeluar pas krimeve dhe tmerrit të Luftës së Dytë Botërore, ajo ka aprovuar në vitin 1948 "Deklaratën e Përgjithshme të të Drejtave të Njeriut" dhe ka zhvilluar dhe përsosur në vitet më pas instrumentet për mbrojtjen e të drejtave të njeriut.

Jo rastësisht, faqja e internetit e Kombeve të Bashkuara është një ndër adresat e para gjatë kërkimit të informacioneve që kanë të bëjnë me temën e të drejtave të njeriut. Këtu gjenden dokumente, raporte dhe informata rreth strukturës dhe funksionimit të kësaj organizate qendrore për mbrojtjen e të drejtave të njeriut. Dokumentet janë në gjuhë të ndryshme të botës.

[Kreu i faqes]

Organizata për Fëmijë UNICEF: http://www.unicef.org

UNICEF është një ndër organizatat e veçanta të Kombeve të Bashkuara. Përmbajtja online e kësaj organizate, në serverin edukues trajtohet gjërësisht në kuadrin e temës shtjelluese Të drejtat e fëmijëve, në faqen dedikuar veçanërisht UNICEF-it (Faqja e UNICEF-it), në të cilën gjenden informacione të përgatitura mirë mbi temën Të drejtat e fëmijëve dhe temën Të drejtat e njeriut.

Faqja ka një pjesë të veçantë për fëmijët dhe të rinjtë: Voices of Youth (VoY), e cila ia vlen të vizitohet. Përveç kësaj, faqja përmban edhe materiale të shumta për mësues/e, për të cilat është zhvilluar edhe pjesa interaktive ku mund të takohen mësues/et nga mbarë bota: Teachers Talking About Learning.

[Kreu i Faqes]

UNESCO: http://www.unesco.org

Faqja e internetit e organizatës së veçantë të Kombeve të Bashkuara për edukim, arsimim, shkencë dhe komunikim UNESCO është gjithashtu e pasur me materiale mbi temën Të drejtat e njeriut, e në mënyrë të veçantë mbi "Vitin ndërkombëtar të Kulturës së Paqes", siç është quajtur viti 2000.

këtu mund të informoheni edhe për projektet dhe fushatat aktuale, të kërkoni dokumenta, etj. Për zhvillimin e këtij serveri edukues, meritat i takojnë Komisionit Gjerman të UNESCO-s, UNESCO-Kommission e.V. Bonn. Vizitoni faqen e internetit të këtij komisioni http://www.unesco.de.

[Kreu i faqes]

UNHCHR: http://www.unhchr.ch

Komisariati i Lartë i Kombeve të Bashkuara për të Drejtat e Njeriut koordinon aktivitetet e shumëllojshme të organizatës botërore në fushën e të drejtave të njeriut. Faqja e internetit përmban ndër të tjera edhe një listë, në të cilën janë të radhitura instrumentet e mbrojtjes ndërkombëtare të të drejtave të njeriut.

[Kreu i faqes]

Këshilli i Evropës: http://www.coe.int

Ndër fushat kryesore të aktivitetit të Këshillit të Evropës të themeluar në vitin 1949 bën pjesë që nga fillimi mbrojtja dhe kodifikimi i mëtejshëm i të drejtave të njeriut. Në vitin 1950, Këshilli i Evropës miratoi Konventën Evropiane të të Drejtave të Njeriut - dokumentin deri tani më të zhvilluar mbi të drejtat e njeriut. Përveç Komitetit të Ministrave dhe Asamblesë Parlamentare, në organet e Këshillit bën pjesë edhe Gjykata Evropiane për të Drejtat e Njeriut, gjykatë kjo e cila deri tani ka marrë shumicën e vendimeve në fushën e të drejtave të njeriut.

Faqja e pasur e internetit ofron një sërë informacionesh mbi temën e të drejtave të njeriut. Kësaj teme i është kushtuar një kapitull i veçantë: "Human Rights Web": http://www.coe.int/T/E/Human_rights/.

[Kreu i faqes]

Temat: Të drejtat e njeriut  I Modele I Demokracia I Partitë I Evropa I  Globalizimi I Kombet e Bashkuara I Qëndrueshmëria

Metodat:    Didaktika politike    II    Pedagogjia e paqes    II    Metodat



Kjo ofertë Online mbi edukimin politik u zhvillua nga a gora-wissen, Shoqata e Shtutgartit për përçim dijesh përmes mediave te reja dhe edukimit politik. Në rast pyetjesh apo vërejtjesh drejtohuni Ju lutem te ne.