Kursi bazë 5

Të drejtat e njeriut

Shkeljet e të drejtave të njeriut

Që nga Lufta e Dytë Botërore, në çështjen e të drejtave të njeriut janë arritur aq shumë rezultate nga Kombet e Bashkuara, saqë për shumë njerëz në botë, respektimi dhe zbatimi i tyre është bërë i vetëkuptueshëm. Ata kur dëgjojnë për shkeljet e të drejtave të njeriut mendojnë për të ashtuquajturën „Bota e tretë", apo për diktaturat e largëta. Por shkeljet e të drejtave të njeriut nuk janë të kufizuara vetëm brenda kufijve të kontinenteve, sistemeve të caktuara politike, normave apo feve të caktuara. Nuk ka thuajse asnjë vend në botë, ku gjatë një viti të mos ndodhin shkelje të të drejtave të njeriut.

Shembuj për shumllojshmërinë e shkeljeve të të drejtave të njeriut në vende të ndryshme të botës, si temë shtjelluese dhe Materiale, mund ta gjeni në këtë kurs bazë. Ndër shembujt më të njohur anembanë botës të regjimeve çnjeëzore është edhe regjimi i aparteidit i Afrikës së Jugut, të cilit i është kushtuar një temë e zgjeruar shtjelluese.

Organizatat ndërkombëtare që merren me mbrojtjen e të drejtave të njeriut, për të cilat kemi folur në kursin bazë 4, i publikojnë shkeljet e të drejtave të njeriut në faqet e tyre të internetit. Për fat të keq, numri i publikimeve të tilla nuk është i vogël. përshkrimin e ofertave të internetit të organizatave të ndryshme (Amnesty International, Human Rights Ëatch, OneËorld), si dhe lidhjet me to, mund t'i gjeni në Linklistën e temës Të drejtat e njeriut.

Çfarë janë shkeljet e të drejtave të njeriut dhe si bëhet shkelja e tyre?

Në pjesën e një libri, i cili merret me temën e sipërpërmendur, shkeljen e të drejtave të njeriut e kupton si krim të shtetit mbi qytetarët. Ai thekson edhe instrumentet të cilat mund të pengojnë këtë formë të rëndë:

Buchauszug "Përkufizimi i shkeljes së të drejtave të njeriut nuk është asgjë tjetër, veçse një formë e zbutur e krimit të rëndë që ushtron shteti mbi qytetarët. Shkeljet e të drejtave të njeriut si krim i lejuar, i duruar, i porositur apo i mbrojtur nga qeveritë, rrezikon në masën më të madhe paqen e brendshme dhe të jashtme të një organizimi shtetëror. E kaluara ka treguar se me ndarjen e pushtetit për të kontrolluar monopolin e pushtetit në legjislativ, ekzekutiv dhe gjyqësor dhe me zgjedhjet e përgjithshme, të lira, të fshehta, që përsëriten në mënyrë periodike, është krijuar një instrument i përshtatshëm i shtetit juridik. Shtetet e qeverisura nga diktaturat nuk njohin instrumente të tilla. Ato shkelin të drejtat e njeriut dhe rrezikojnë në këtë mënyrë paqen në botë. Ato helmojnë klimën politike, duke krijuar rrethana të tilla, në të cilat të drejtat e njeriut dhe paqja kanë pak mundësi për t'u realizuar."

[Helmut Frenz, Menschenrechte — Anspruch und Wirklichkeit, në: Gisela Klent-Kozinoëski u.a. (Hrsg.), Das Recht, ein Mensch zu sein, Baden-Baden 1988, 21]

[Kreu i faqes]

A janë të drejtat e njeriut vetëm një ide e bukur?

Duke pasur parasysh numrin aq të madh të shkeljeve të të drejtave njeriut, lind pyetja: a nuk është ky dështim i institucioneve kompetente për mbikqyrjen e tyre? Mos vallë të drejtat e njeriut janë vetëm një ide e bukur?

Për të mbrojtur institucionet kompetente, në këtë aspekt duhet theksuar se pa to, numri i rasteve të njohura të shkeljeve të të drejtave të njeriut do të ishte edhe më i madh dhe pjesa më e madhe e tyre sipas të gjitha gjasave do të mbetej gjithmonë e pazbuluar. Vetëm falë Kombeve të Bashkuara dhe organizatave të ndryshme që bashkëpunojnë me to, është bërë i mundur zbulimi i rasteve të shkeljeve të të drejtave të njeriut. Ky është një hap i parë i rëndësishëm drejt frenimit të shkeljeve të këtyre të drejtave, por mbetet ende shumë për t'u bërë. Ne ndodhemi akoma në fillim të një mbrojtjeje të efektive ndërkombëtare të të drejtave të njeriut. Megjithatë, arritjet në këtë drejtim që nga Lufta e Dytë Botërore - kohë pra relativisht e shkurtër - lejojnë një parashikim optimist për të ardhmen. Sot, të drejtat e njeriut janë shumë më tepër se sa një ide e mirë dhe është duke u punuar shumë, me qëllim që njerëzit t'i gëzojnë ato si të tilla.

Për realizimin e këtij qëllimi është me rëndësi të veçantë bashkëpunimi i të gjithëve ne së bashku. Është detyrë e secilit prej nesh respektimi i të drejtave dhe i dinjitetit të njerëzve, me të cilët jetojmë, për të parandaluar në mënyrë të menjëhershme shkeljet e të drejtave të njeriut. Secili prej neshmund të kontribuojë në këtë drejtim në rrethiin e tij, apo duke marrë pjesë në fushatat e INGO-ve, duke i përkrahur apo duke bashkëpunuar me to. Hapja e faqeve të internetit të këtyre organizatave tregon se sa e lehtë është një gjë e tillë. Siç e kemi përmendur edhe më parë, adresat përkatëse janë të radhitura në linklistën tonë.

Rëndësinë e mbrojtjes së të drejtave të njeriut e bën edhe më të qartë citimi i fjalëve të ish përfaqësueses së Komisariatit të Lartë të Kombeve të Bashkuara për të Drejtat e Njeriut, Meri Robinson:

"... today's human rights violations are the causes of tomorrow's conflicts."

dhe të Sekretarit të Përgjithshëm të Kombeve të Bashkuara, Kofi Anan:

"A United Nations that will not stand up for human rights is a United Nations that cannot stand up for itself."

[Kreu i faqes]

Temat: Të drejtat e njeriut  I Modele I Demokracia I Partitë I Evropa I  Globalizimi I Kombet e Bashkuara I Qëndrueshmëria

Metodat:    Didaktika politike    II    Pedagogjia e paqes    II    Metodat



Kjo ofertë Online mbi edukimin politik u zhvillua nga a gora-wissen, Shoqata e Shtutgartit për përçim dijesh përmes mediave te reja dhe edukimit politik. Në rast pyetjesh apo vërejtjesh drejtohuni Ju lutem te ne.