Politika

Të drejtat e njeriut

Aparteidi

Pjesët përbërëse të regjimit të aparteidit (V): Heqja politike e të drejtave dhe shtypja e opozitës

"Në rastet kur ministri i drejtësisë ka arsye të dyshojë se një person synon të kryejë një sulm terrorist apo një krim të ngjashëm, apo nëse ai është i bindur se një person është i përfshirë në aktivitete të tilla, të cilat rrezikojnë sigurinë e shtetit apo ruajtjen e sigurisë dhe rendit, ai mund të urdhërojë arrestimin e tij".

[South Africa Yearbook 1989/90, S. 267]

Një vështrim i përgjithshëm i ligjvënies së regjimit të aparteidit do të ishte jo i saktë pa parë ato ligje, të cilat kishin për qëllim të drejtpërdrejtë shtypjen e jo të bardhëve. I ashtuquajturi "Riotous Assemblies Act", i aprovuar në vitin 1930, kishte për qëllim ndalimin e takimeve politike të jo të bardhëve, të cilat sipas tij mund të ndaloheshin edhe me përdorimin e dhunës. "Representation of Natives Act" (1936) kodifikonte përjashtimin e zezakëve nga pjesëmarrja politike. Ky ligj, pikën kulminante të tij e arriti me të ashtuquajturin "Suppression of Communism Act" (1950), i cili ndaloi Partinë Komuniste të Afrikës së Jugut dhe nxiti ndjekjen e organizatave që kishin qenë të afërta me komunizmin, si dhe me të shtuquajturin "Criminal Law Amendment Act" (1953), sipas të cilit mund të paditej çdo person që përfaqësonte një nga "qëllimet e komunizmit.

Është plotësisht e qartë se qeveria, në këtë mënyrë krijoi një instrument praktik arbitrar, i cili bënte të mundur luftën jo vetëm kundër zezakëve të padëshiruar, por edhe kundër të bardhëve opozitarë. Çdo angazhim politik pra u vështirësua ose më mirë u shtyp.

Viktimë e këtyre ligjeve u bë edhe African National Congress (ANC), partia e Nelson Mandelës dhe Oliver Tambos, e cila u ndalua nga qeveria më 8 prill 1960.

[Materiale tjera rreth kësaj pjese mund të gjeni në faqen Rezistenca]

[Kreu i faqes]

Shembulli i familjes Maqolo

Deri para tre vjetësh, Gladys Maqolo ishte ende nënë e tre djemve të shëndoshë. Sot, njëri prej tyre konsiderohet i humbur. Ai u "zhduk" pas një qëndrimi të shkurtër në burg. Tjetri ndodhet në shtëpi. Pas qëndrimit disaditësh në polici, ai vuan nga dëmtime në tru. Djali i saj i tretë ndodhet në burg që nga maji i vitit 1987 (...).

Bashkëshorti i zj. Maqolo, tetë vjetë të jetës së tij i kaloi në Robben Island (në burgun për të burgosurit politikë, në të cilin u mbajt edhe Nelson Mandela). Djali i saj, Mbuyiselo Maxin, nuk ishte i angazhuar politikisht, ndryshe nga Uillemi, vëllai i tij më i madh, i cili është sindikalist dhe djali tjetër Afrika, anëtar i të ashtuquajturit Democratic Front.

Mbuyiselo u sulmua më 1 tetor 1984, ndërsa kthehej në shtëpi nga vizita që i kishte bërë një shoku të tij. Ai u plagos dhe e kaloi natën në spital. Të nesërmen në mëngjes, Mbuyiselo paditi agresorin që e kishte njohur gjatë sulmit. Zyrtari përgjegjës u mundua t'i mbushte mendjen të hiqte dorë nga padia, duke i thënë se ai e njihte sulmuesin dhe se ai ishte jetim. Pas disa ditësh, Mbuyiselo u thirr përsëri në polici, prej nga nuk u kthye më.

Zj. Maqolo e kërkoi të birin gjithandej, por pa sukses. Pas pesë ditësh mori një mesazh, sipas të cilit ajo duhej të shkonte në spitalin Livingstone për të parë të birin. Asaj i duhej të nxirrte një leje të veçantë. Kur erdhi te shtrati i djalit, ai sillej si i çmendur.

[Kreu i faqes]

"Nuk më njihte më. Bërtiste i lidhur për shtrati. Polici e ruante. E pyeta mjekun se çfarë kishte. Ai më tha se ka gjak në tru. Mjeku më tha të pyes në St. Albans se ç'kishte ndodhur me të."

Zj. Maqolo iu dha leja për të vizituar të birin. Në të shkruhej se ai ishte dënuar me 60 ditë burgim, apo në të holla, në vlerë prej 30 Rand. Në vendin ku duhej të shënohej shkaku i burgosjes ishte shënuar vetëm një kryq. Z.j Maqolo ia dorëzoi dokumentet mbrojtësit të saj, i cili vërtetoi se i biri ishte dënuar ngaqë kishte takuar një të burgosur.

Pas kësaj ndodhën një seri ngjarjesh. Djali i saj ishte transportuar disa herë nga burgu në spital dhe anasjelltas, ndërsa ajo me vështirësi kishte arritur të mos i humbte gjurmët e tij. Në fund, një automjet i policisë e solli atë para shtëpisë gati të vdekur: I veshur në pizhama. Pantallonat dhe rrobat e tjera ia kishin futur në çantë; pantollonat i kishte të lara." Më parë ai ishte një djalë i shëndoshë, kishte mbajtur familjen.

Avokati i zj. Maqolos ishte përpjekur ta sqaronte rastin, por një i burgosur, i cili ishte transportuar bashku me të birin e zj. Maqolo në burgun St Albans, dhe që kishte deklaruar më parë se Mbuyiselo kishte hipur në atutomjetin transportuaes i paplagosur, tani kishte tërhequr deklaratën e tij dhe kishte thënë se Mbuyiselo kishte qenë i plagosur edhe para transportimit për në burg (...).

[Kreu i faqes]

Në shkurt të vitit 1987, zj. Maqolo kishte dy brenga të mëdha. E para ishte zhdukja e djalit të saj Uillem, 40 vjeç dhe kuzhinier miniere në Springs. Ai ishte arrestuar befas në shtator të vitit 1986. Pas lirimit të tij nga burgu nuk ishte ardhur më kurrë tek e ëma. Policia e kishte kërkuar djalin e saj Afrika dhe kishte gjetur gjatë bastisjes së një shtëpie një letër të tij dërguar vëllait Uillem. Zj. Maqolo mendon se ko mund të ketë lidhje me zhdukjen e djalit të saj.

Brenga e saj e dytë ishin vizitat e pandërprera të policisë në shtëpi, e cila kërkonte të birin Afrika. Ajo i kishte thënë policisë se nuk din asgjë për fatin e tij, edhe pse ai vinte kohë pas kohe për vizitë.

Më 8 dhjetor, zj. Maqolo erdhi në zyrën Black Sash dhe tregoi parullën me fotografinë e të birit të saj Afrika dhe me nënshkrimin "We want him / Ons soek hom". Kësaj fotografie i ishte bashkëngjitur informacioni rreth grevës së konsumatorëve (zezakë) dhe akuzimi i Afrikës (të birit) si përgjegjës për këtë grevë (...).

Gjatë një bastisjeje të policisë, kuAfrika sërish nuk u gjet tek e ëma, ata donin të merrnin me vete djalin tjetër, që ishte i dëmtuar në tru. Vetëm pas grindjes me policinë kishte arritur ta pengonte një gjë të tillë.

Gjatë vitit të kaluar, z. Maqolo, për shkak të shqetësimeve të mëdha kaloi një muaj e shtruar në spital. Më 9 maj 1987 policia kishte arrestuar më në fund djalin e saj Afrika. Atëherë zj.Maqolo tha: "Të paktën e kanë pranuar burgosjen e tij, kështu të paktën e di që ai ndodhet në burg."

[Nxjerrë nga: Sash, vëllimi 30, Nr. 2 gusht 1987, 12.]

[Kreu i faqes]

[Pjesë tjera përbërëse të regjimit të aparteidit: Homelands, klasifikimi, shoqëria, ekonomia]

[Kreu i faqes]

Temat: Të drejtat e njeriut  I Modele I Demokracia I Partitë I Evropa I  Globalizimi I Kombet e Bashkuara I Qëndrueshmëria

Metodat:    Didaktika politike    II    Pedagogjia e paqes    II    Metodat



Kjo ofertë Online mbi edukimin politik u zhvillua nga a gora-wissen, Shoqata e Shtutgartit për përçim dijesh përmes mediave te reja dhe edukimit politik. Në rast pyetjesh apo vërejtjesh drejtohuni Ju lutem te ne.