ai 1999

Të drejtat e njeriut

Materiale mbi kursin bazë 5 (Shkelje të të drejtave të njeriut)

amnesty international, Raportet vjetore të kësaj organizate bëjnë pjesë në publikimet më të rëndësishme në fushën e shkeljeve të të drejtave të njeriut. Ato bëjnë jehonë të madhe në media, dhe konsiderohen në mënyrë serioze, prandaj nga raportet e tyre kanë frikë shumë qeveri të botës. Në këtë faqe do të gjeni:

	përmbledhjen e raportit të AI-së për vitin 1999
	dy artikuj mbi raportin në fjalë

[Kreu i faqes]

Buchauszug Raporti i AI-së për vitin 1999 (Përmbledhje)

Lufta kundër arbitrarizmit shtetëror

Për të bërë të mundur kundërvënien aktive kundër shkeljeve të drejtave të njeriut, shkeljet në fjalë duhet të studiohen me kujdes të veçantë. Raporti vjetor i AI-së, dokumenton faktet vijuese:

	Të burgosurit paqësorë politikë - burra dhe gra të arrestuar vetëm për shkak të bindjes së tyre politike, ngjyrës së lëkurës, gjuhës, besimit apo gjinisë së tyre - AI e ka dokumentuar këtë në 78 shtete.
	Procedurat e padrejta gjyqësore AI i ka identifikuar në 35 shtete si bazë të dënimeve shpesh shumëvjeçare me burg.
	Burgosja pa padi dhe detyrimi në kampe pune ishin realitet për qindra mijëra njerëz në 66 shtete.
	Vrasje politike nga ushtria, policia dhe paramilitarëte kishte në 47 shtete të botës.
	Zhdukjen e njerëzve pas arrestimit të tyre, AI e ka regjistruar në 37 shtete.
	Tortura dhe keqtrajtime kishte në 125 shtete. Si pasojë e tyre, vdekjet në burg ishin realitet në të paktën 51 shtete.
	Dënimi me vdekje u zbatua në 37 shtete, ndaj 1625 personave, mbi një mijë prej tyre në Kinë. Në 78 vende u shpallën 3899 dënime me vdekje. Megjithatë është vënë re një tendencë pozitive: 105 shtete të botës e kanë hequr dënimin me vdekje apo nuk kanë ekzekutuar asnjë person në dhjetë vjetët e fundit. Kjo shifër përbën numrin më të madh në historinë e njerëzimit.
	Rrëmbimet, torturat dhe vrasjet me motive politike nga grupet e armatosura politike ishin një realitet i tmerrshëm në 37 shtete.

Elektrischer Stuhl

Shifrat e lartpërmendura janë vetëm shkelje të të drejtave të njeriut të regjistruara nga AI. Numri i saktë i viktimave ka shumë të ngjarë të jetë shumë më i madh. Amnesty International është më shumë se sa një lloj "agjencie", e cila dokumenton me kujdes shkeljet e të drejtave të njeriut, ajo është njëherësh edhe iniciativa më e madhe qytetare në botë në fushën e shkeljes së të drejtave të njeriut, dhe lufton me sukses kundër arbitrarizmit shtetëror. Rreth 8.000 grupe të AI-së në 90 shtete të botës, janë angazhuar në vitin 1998 për më shumë se 10.000 viktima të njohura me emër, të cilave iu shkelen të drejtat e njeriut.

[ai, ka vënë në dispozicion në internet raportet komplete vjetore. Prezentimin e faqes së internetit të amnesty international, mund ta gjeni në linklistënën tonë.

[Kreu i faqes]

Artikuj gazetash rreth raportit vjetor të AI-së për vitin1999

[Johannes Metzler, në die Tageszeitung të datës 17.06.1999]

Vetëm hapa të vegjël

Amnesty International prezanton raportin vjetor. Kina, Irani, Kongo dhe SHBA kritikohen ashpër për shkak të dënimit me vdekje

"Jam liruar vetëm falë presionit publik në mbarë botën", është shprehur Ngarléjy Yorongar le Moiban. Politikani opozitar nga Çadi ishte burgosur në vitin 1997 për shkak të kritikës së tij kundër kreut të shtetit dhe ishte dënuar me tre vjet heqje lirie me akuzën "Shpifje". Pas aksionit të shpejtë të organizatës për të drejtat e njeriut, amnesty international (AI) që pati si rezultat dërgimin e shumë letrave në shenjë proteste në adresë të presidentit të shtetit, ai u lirua nga burgu në fillim të vitit.
Gjatë vitit të kaluar janë shënuar afro 700 aksione të tilla, në të cilat kanë marrë pjesë më se 80.000 persona. Këto aktivitete kanë qenë të suksesshme në një të tretën e rasteve. Këtë bilanc, kjo organizatë e ka publikuar gjatë ditës së djeshme, gjatë prezantimit të raportit të saj vjetor në Bon. Edhe pse kjo nuk përbën ndonjë sukses të jashtëzakonshëm në çështjen e të drejtave të njeriut janë shënuar megjithatë "një sërë hapash në këtë drejtim", është shprehur Barbara Erbe, zëdhënëse e sektorit gjerman të AI-së. Pavarësisht nga kjo, në më shumë se 80 vende të botës njerëzit vazhdojnë të burgosen, ngaqë shprehin mendimin e tyre, ndërsa në 50 vende ndodhin ekzekutime arbitrare. Sipas raportit të AI-së, në 37 vende janë zhdukur pa gjurmë njerëz për faktin e vetëm, sepse mendojnë ndryshe! Torturat, keqtrajtimet dhe dhunimet janë ende pjesë e përditshmërisë. Veçanërisht kritike, amnesty international ka vlerësuar gjendjen në disa pjesë të Afrikës dhe të Azisë dhe në Kosovë.
Erbe është shprehur më tej se ka ndryshuar edhe lloji i shkeljeve të të drejtave të njeriut. Tani ato nuk ndodhin më në të shumtën e rasteve prapa mureve të burgjeve, por në sy të të gjithëve.
Pikë qendrore e raportit të AI-së ka qenë dënimi me vdekje. Gjatë vitit të kaluar, ajo ka numëruar 1.625 zbatime të tij, pjesa më e madhe e tyre në Kinë. Kritika të ashpra, AI, i ka bërë edhe Republikës Demokratike të Kongos, Iranit dhe SHBA-së: Sipas saj, shtetet në fjalë janë përgjegjëse për dy të tretat e të gjitha dënimeve të zbatuara me vdekje. Për vitin 2000, AI ka kërkuar heqjen e të gjitha ekzekutimeve. Sipas saj, numri i vendeve që nuk e zbatojnë më vendimin me vdekje, përbëjnë shumicën.

[Kreu i faqes]

[Peter Nonnenmacher, në Stuttgarter Zeitung të datës 17.06.1999]

Të drejtat e njeriut të nëpërkëmbura

Me gjithë disa "përparime historike" në luftën kundër shkeljes së të drejtave të njeriut, shumica e përgjegjësve kanë mbetur të padënuar. Kështu është shprehur dje në Londër organizata për të drejtat e njeriut, amnesty international (AI) me rastin e publikimit të raportit të saj vjetor për vitin 1998.

Gati në të gjitha vendet e botës (142), amnesty international ka regjistruar shkelje të të drejtave të njeriut nga qeveritë apo grupet e armatosura opozitare. Në krye të listës së shkeljeve aktuale të të drejtave të njeriut ndodhet natyrisht Kosova ku situata është keqësuar dukshëm gjatë muajve të fundit (raporti vjetor i AI-së bazohet në gjashtëmujorin e parë të vitit). Amnesty international ka kritikuar dëbimet me dhunë të qindra-mijëra shqiptarëve nga Kosova, dëbime këto të cilat "janë shoqëruar me vrasje, dhunime, tortura, burgosje arbitrare dhe djegie të shtëpive".
Në aspektin global, AI ka shënuar përparime në çështjen e mbrojtjes së të drejtave të njeriut, të cilat sipas saj janë rezultat i presionit në rritje mbi qeveritë përkatëse. Në këto përparime bën pjesë edhe marrëveshja e Korrikut e vitit 1998, për themelimin e gjykatës së përhershme ndërkombëtare, si dhe arrestimi i ish diktatorit kilian Augusto Pinoçet nga qeveria e Londrës në tetor të vitit të kaluar.
AI ka përshëndetur edhe anëtarësimin e Zambiasë dhe Afrikës së Jugut në Konventën Kundër Torturës, firmosjen nga ana e Kinës së Kartës për të Drejtat Qytetare, lirimin e të burgosurve politikë në Korenë e Jugut, Vjetnam, Indonezi, Timorin Lindor, Siri, Marok dhe Kuvajt, si dhe heqjen apo kufizimin e dënimit me vdekje në disa shtete të botës. Me gjithë këto përparime, amnesty international ka theksuar edhe mosrespektimin e vazhdueshëm të të drejtave elementare në shumë vende të botës. Rastet më të rënda kanë ndodhur në Afrikë, Angola, Afganistan, Algjeri dhe Kolumbi, në të cilat në radhët e popullsisë civile ka pasur me mijëra viktima të dhunës.
AI nuk është e kënaqur as me gjendjen në Evropë. Nga Gjermania, Franca dhe Zvicra, është raportuar për keqtrajtime të pakicave etnike apo azilkërkuesve. (...)
Me një shtytje të re, AI ka paralajmëruar aktivitete ndërkombëtare kundër dënimeve me vdekje. "Vrasja e paramenduar e njerëzve të pambrojtur nuk duhet të arsyetohet nga asnjë shoqëri e botës", është shprehur sekretari i përgjithshëm i AI-së, Pier San. AI ka kritikuar veçanërisht SHBA, të cilat, sipas saj, me ekzekutimet e vazhdueshme, injorojnë masivisht kërkesën për mbrojtjen e të drejtave të njeriut dhe zbatojnë dënimin me vdekje "në mënyrë arbitrare, të padrejtë dhe raciste. Që nga viti 1990, sipas AI-së, në SHBA janë ekzekutuar dhjetë persona, të cilët në momentin e kryerjes së veprës kanë qenë të mitur. Në Rusi, raporton AI, janë dënuar me vdekje gjithsej 900 të burgosur: Plotësimi i premtimeve të qeverisë ruse për heqjen e dënimit me vdekje në prill të vitit 1998, sipas amnesty international nuk është përmbushur ende.

[Kreu i faqes] [Faqja startuese të drejtat e njeriut] [Fotografi ekspozuese]

Temat: Të drejtat e njeriut  I Modele I Demokracia I Partitë I Evropa I  Globalizimi I Kombet e Bashkuara I Qëndrueshmëria

Metodat:    Didaktika politike    II    Pedagogjia e paqes    II    Metodat



Kjo ofertë Online mbi edukimin politik u zhvillua nga a gora-wissen, Shoqata e Shtutgartit për përçim dijesh përmes mediave te reja dhe edukimit politik. Në rast pyetjesh apo vërejtjesh drejtohuni Ju lutem te ne.