Pas kursit konfrontues mes grave nga veriu dhe jugu në të dy konferencat botërore të grave dhe forumet paralele të OJQ-ve në 1975-ën në Meksiko dhe në 1980-ën në Kopenhagë, në forumin e mbajtur në Nairobi në vitin 1985 u vu re një afrim i dukshëm, që lidhej me një rigjallërim të lëvizjes së grave nga jugu. Feministet e "Jugut" janë të organizuara në organizatën e madhe DAWN (Development Alternatives with Women for a New Era).

Për shkak të nivelit të ndryshëm të vendeve, gratë në vendet e industrializuara perëndimore kanë të tjera prioritete të luftën kundër diskriminimit të grave nga gratë në vendet e zhvilluara dhe diktatura. Feministet në vendet e industrializuara perëndimore angazhohen kryesisht për të drejtat politike dhe qytetare. Ndërsa idhtaret e të drejtave të gruas nga vendet në zhvillim përqendrohen në të drejtën për barazi (ekonomike) dhe të drejtat solidare. Nëse gratë perëndimore përpiqen të koordinojnë të qenit nënë me profesionin, heqjen e skemave të roleve në socializim apo shanset më të vogla në karrierë, gratë në pjesën më të madhe të vendeve luftojnë ende për mundësi minimale arsimimi, për pjesëmarrjen në jetën publike dhe për mbrojtjen e trupit dhe të jetës. Janë pikërisht këto ndryshime që sjellin edhe ndarjen mes tyre.

Sot, idhtaret e të drejtave të gruas përpiqen të përvetësojnë pikëpamjet feministe që lindin nga traditat kulturore dhe dhe nga rrethanat e ndryshme social-ekonomike dhe politike në vendet e vecanta. Përveç kësaj, ato bashkohen në rrjete ndërkombëtare me kërkesa të përbashkëta. Kriza ekonomike botërore dhe shkatërrimi i mjedisit janë tema të rëndësishme. Falë lidhjes me paradigmën e të drejtave të njeriut, lëvizja ndërkombëtare e gruas ka mundur të fitojë forcë vepruese.

Një fushë e re lëvizjes së sotme të grave është vendosja e të drejtave të grave si pjesë e pamungueshme e të drejtave universale të njeriut në të drejtën ndërkombëtare. Të drejtat e grave duhet të qëndrojnë mbi traditat kulturore dhe fetare të vendeve të vecanta. Duhet të ketë sanksione ndërkombëtare ndaj shteteve që shkelin të drejtat e grave. Hapat e parë në këtë drejtim janë "Marrëveshja për shmangien e çdo forme të diskriminimit të gruas", në klauzolat antidiskriminuese dhe një program për zhdukjen e diskriminimit të gruas. Në konferencën botërore për të drejtat e njeriut në vitin 1993 në Vjenë, dhuna kundër grave u quajt për herë të parë si shkelje e të drejtave të njeriut.  

Përveç kësaj u krijuan disa mundësi sanksionimi. Në vitin 1999 u nënshkrua "protokolli fakultativ" për "Marrëveshjen për shmangien e çdo forme të diskriminimit të gruas", i cili krijon mundësinë e ngritjes së padive individuale. Kjo do të thotë që një grua, e cila diskriminohet në vendin e saj, mund të kërkojë barazinë në organin më të lartë, në komisionin e gruas të Kombeve të Bashkuara. Gjykata Ndërkombëtare e Hagës kundër krimeve të luftës është një përparim tjetër i rëndësishëm në çështjen e të drejtave të grave. Është e para gjykatë që përdhunimin e grave në luftë si shkelje të të drejtave të njeriut e dënon si krim kundër njerëzimit.

Gjatë zbatimit të këtyre marrëveshjeve dhe programeve bëhen të qarta edhe vështirësitë dhe pengesat, me të cilat duhet të përballen idhtaret e të drejtave të grave. Miratimi i platformës vepruese të Pekinit u zhvlerësua brenda një kohe të shkurtër për shkak të kritikës së dukshme. Rreth 50 shtete islamike dhe një sërë shtetesh të ndikuar kryesisht nga katolicizmi të Amerikës së Jugut si dhe Vatikani, Libani dhe Malta patën rezerva të forta kundër paragrafit për "vetvendosje seksuale". Përveç kësaj, këto shtete e refuzuan kërkesën që qeveritë duhet të shihnin mundësinë e shfuqizimit të dekreteve  për dënimin e ndërprerjes së paligjshme të shtatzënësisë. Sot, kundërshtarët më të fortë të të drejtave universale të grave, janë forcat konservatore dhe fondamentaliste me prirje fetare. Veçanërisht në shtetet islamike (Iran, Sudan etj.), grave iu hiqen të drejtat, në vende të tjera si: Algjeria, Turqia dhe Egjipti, vitet e fundit është rritur ndikimi i fondamentalistëve. Megjithatë edhe të krishterët fondamentalistë kanë lobby të fuqishëm, për shembull në Shtetet e Bashkuara, ku vitet e fundit janë kërcënuar, e madje vrarë, jo pak mjekë që kryejnë aborte nga "mbrojtësit radikalë të jetës". Prandaj, detyra kryesore është veprimi i përbashkët i idhtarëve të të drejtave të njeriut dhe të drejtave të grave në të gjithë botën kundër fondamentalizmit dhe dhunës.

[Autore: Dorette Wesemann, Redaktor: Ragnar Müller]

[Kreu i faqes]

Temat:  Të drejtat e njeriut  I  Modele  I  Demokracia  I  Partitë  I  Evropa  I  Globalizimi  I  Kombet e Bashkuara  I  Qëndrueshmëria

Metodat:    Didaktika politike    II    Pedagogjia e paqes    II    Metodat

     

Kjo ofertë Online mbi edukimin politik u zhvillua nga agora-wissen, Shoqata e Shtutgartit për përçim dijesh përmes mediave te reja dhe edukimit politik. Në rast pyetjesh apo vërejtjesh drejtohuni Ju lutem te ne.