Preferenca tradicionale për djalin është e përhapur sidomos në Kinë, Korenë e Veriut, Indi dhe Pakistan. Foshnjat vajza, vajzat dhe gratë lihen pas dore si në ushqim dhe në kujdesin shëndetësor. Me përparimin e teknikës, dallimi i gjinisë së fetusit bëhet qysh në fazat e hershme. Vajzat abortohen ose vriten pas lindjes.

Sipas të dhënave demografike, në të gjithë botën "mungojnë" më shumë se 90 milionë gra dhe kjo pavarësisht nga fakti që gratë në kushtet e ushqimit dhe kujdesit të njëjtë shëndetësor kanë jetëgjatësi më të madhe se burrat. Në Azinë Jugore, Kinë, në Lindjen e Mesme dhe të Largët, shifrat e vdekshmërisë te vajzat janë dy herë më e lartë se te djemtë e së njëjtës moshë. Mesatarisht raporti mes burrave dhe grave është 100 burra dhe 96 gra. Në 21 vende të botës janë më pak se 95 gra kur janë 100 burra, ndërkohë që në vende të tjera në Evropë, Amerikë dhe në Shtetet e Bashkuara vihet re një "mbipopullim me gra". Në Kinë, falë dështimeve selektive, në 100 lindje të foshnjave meshkuj, lindin 88 foshnja femra.

Sfondi: Parapëlqimi i kahershëm i djemve është i rrënjosur thellë në strukturën e shoqërisë. Në Kinë dhe Indi, djemtë gëzojnë prestigj më të lartë shoqëror. Vetëm burrat mund të ushtrojnë ritin Ahnen. Meqë vajzat martohen në një familje tjetër, vetëm djemtë janë siguri për kujdesin e prindërve në pleqëri. Në shoqëritë, në të cilat familjet janë të detyruar të japin prikë për martesën e vajzës, diskriminimi i vajzave është më i përhapur sesa në ato shoqëri ku është dhëndrri që sipas traditës duhet të paguajë për të marrë nusen. Vrasja e të sapolindurave vajza si e vetmja rrugëdalje nga nga problemi i prikës, në rajonet më të varfra të Indisë po pranohet gjithnjë e më shumë.

Në Kinë, problemi qëndron në faktin që nga ana e shtetit po ndiqet dhunshëm politika e "familjes me një fëmijë". Ky fëmijë që i lejohet familjes, sipas vullnetit të familjes duhet të jetë djalë. Në rajonet ku gratë kanë më shumë fuqi ekonomike brenda familjes, për shembull kur punojnë, dhe kur përfshihen në kujdesin për të moshuarit, djemtë nuk parapëlqehen ose nuk parapëlqehen kaq shumë.

Çfarë bëhet kundër parapëlqimit tradicional të djemve? Në Kinë dhe Indi ndalohen përcaktimi prenatal i gjinisë dhe dështimet selektive. Megjithatë, ligjet nuk mund ta frenojnë këtë praktikë.

[Autore: Dorette Wesemann, Redaktor: Ragnar Müller]

[Kreu i faqes]

Temat:  Të drejtat e njeriut  I  Modele  I  Demokracia  I  Partitë  I  Evropa  I  Globalizimi  I  Kombet e Bashkuara  I  Qëndrueshmëria

Metodat:    Didaktika politike    II    Pedagogjia e paqes    II    Metodat

     

Kjo ofertë Online mbi edukimin politik u zhvillua nga agora-wissen, Shoqata e Shtutgartit për përçim dijesh përmes mediave te reja dhe edukimit politik. Në rast pyetjesh apo vërejtjesh drejtohuni Ju lutem te ne.