Vrasjet për prikë janë të përhapura në Azinë Jugore (Bangladesh, Pakistan, Indi dhe Nepal). Disa shifra: në vitin 1993, në Indi, në bazë të raporteve qeveritare, u kryen 5.817 vrasje për prikë, në vitin 1994 4.936 dhe në vitin 1995 4.811 vrasje të tilla. Në Pakistan, në bazë të vlerësimeve jozyrtare, numri i vdekjeve u rrit nga 1.100 në vitin 1980 në 1.900 në vitin 1990. Por shifrat e fshehura duhet të jenë shumë më të larta. Shumë viktima vdesin nga plagët, përpara se të mund të hetohet për shkaqet; të mbijetuarit nuk pranojnë të dëshmojnë nga frika.

Fillimisht, gratë keqtrajtohen psikikisht dhe fizikisht nga burri dhe familja e tij. Ngaqë kthimi në shtëpinë e prindërve është i ndaluar për shkak të "turpit", shumë prej tyre vrasin veten. Gratë e tjera mbulohen zakonisht me kerozinë dhe iu vihet flaka. Soba me kerozinë ka pothuajse në të gjitha shtëpitë, prandaj vrasje të tilla fshihen si "vdekje aksidentale në kuzhinë".

Arsyeja kryesore për vrasjet për prikë, janë interesat financiare, për shembull kur prindërit e nuses nuk janë në gjendje të paguajnë çmim in e nuses, nëse nuk arrijnë të paguajnë kërkesa të tjera ose kur bashkëshorti kërkon një martesë të dytë për një prikë tjetër.

çfarë  bëhet kundër vrasjeve për prikë? Në Indi, pagimi i prikës është ndaluar qysh në vitin 1961. Kodi penal u plotësua në vitin 1996 me shtesën që burri apo të afërmit e tij bëhen përgjegjës për cdo vdekje jonatyrore gjatë shtatë vjetëve të parë të martesës, për sa kohë nuk mund të dëshmojnë të kundërtën (pafajësinë). Pavarësisht nga këto masa të marra vazhdojnë të kryhen vrasjet për shkak të prikës.

[Autore: Dorette Wesemann, Redaktor: Ragnar Müller]

[Kreu i faqes]

Temat:  Të drejtat e njeriut  I  Modele  I  Demokracia  I  Partitë  I  Evropa  I  Globalizimi  I  Kombet e Bashkuara  I  Qëndrueshmëria

Metodat:    Didaktika politike    II    Pedagogjia e paqes    II    Metodat

     

Kjo ofertë Online mbi edukimin politik u zhvillua nga agora-wissen, Shoqata e Shtutgartit për përçim dijesh përmes mediave te reja dhe edukimit politik. Në rast pyetjesh apo vërejtjesh drejtohuni Ju lutem te ne.