Familja

Të Drejtat e Njeriut

Të Drejtat e Gruas

Dhuna në familje

Dhuna në familje ushtrohet kryesisht ndaj anëtareve femra në familje në rolin e tyre si vajza, nuse, motra, bashkëshorte apo ish bashkëshorte, partnere apo ish partnere, të dashura apo ish të dashura. Autorët janë (me pak përjashtime) anëtarë burra të familjes. Kjo formë dhune kundër grave kapërcen kufijtë kulturorë, fetarë dhe rajonalë. Disa shembuj:

	sulmet fizike, p.sh. rrahjet, përplasjet, shkuljet e flokëve, djegia me ujë të nxehtë, djegia në zjarr, përcmimi dhe vrasja;
	detyrimi seksual dhe përdhunimi;

	dhuna psikike, p.sh. keqtrajtimi verbal (me fjalë), izolimi nga familja dhe personat e tjerë;
	Marrja e burimeve fizike dhe ekonomike.

Dhuna në shtëpi është një dukuri, së cilës në shumë vende i kushtohet ende shume pak vëmendje. Në shumë raste, dhuna në familje nuk konsiderohet si vepër penale (krim). Për këtë arsye, studimet në vendet e veçanta janë të paplota. Këto studime si dhe të dhënat zyrtare (statistikat e policisë) paraqesin vetëm një pjesë shumë të vogël të përmasave të vërteta të dhunës. Disa shifra (të dhëna):

	Në Gjermani dhe në Shtetet e Bashkuara të Amerikës, një në tri gra keqtrajtohet të paktën një herë në jetë nga një anëtar mashkull i familjes, nga bashkëshorti apo partneri.
	Në Rusi, 80% e veprave penale ndodhin në shtëpi.
	Në vitin 1992, 26% e grave të pyetura në një studim të bërë në Kubë, kishin qenë viktima të dhunës psikike dhe 33,5% viktima të dhunës fizike nga ana e burrave apo partnerëve të tyre.
	Sipas rezultateve të një raporti në Pekin, një e pesta e grave të pyetura kishin qenë viktima të keqtrajtimit.
	Në Egjipt, një në tri gra është rrahur të paktën një herë në martesë.
	Në Kuvajt, rreth 15% e grave janë të prekura nga dhuna në familje.
	Në Pakistan, 80% e grave janë viktima të dhunës në familje.
	Në Guinenë e Re-Papua, një e treta e grave rrihen.
	Në Lituani, 34,5% e viktimave të vrasjeve janë gra, të cilat janë vrarë nga burrat e tyre.
	Në Afrikën e Jugut, çdo gjashtë ditë vritet një grua nga burri apo i dashuri.

[Të dhënat janë marrë nga: United Nations: The World’s Women 1995. Trends and Statistics. New York 1995]

[Autore: Dorette Wesemann, Redaktor: Ragnar Müller]

[Kreu i faqes]

Temat: Të drejtat e njeriut  I Modele I Demokracia I Partitë I Evropa I  Globalizimi I Kombet e Bashkuara I Qëndrueshmëria

Metodat:    Didaktika politike    II    Pedagogjia e paqes    II    Metodat



Kjo ofertë Online mbi edukimin politik u zhvillua nga a gora-wissen, Shoqata e Shtutgartit për përçim dijesh përmes mediave te reja dhe edukimit politik. Në rast pyetjesh apo vërejtjesh drejtohuni Ju lutem te ne.