Tekste

Të drejtat e njeriut

Të drejtat e fëmijëve

"Asgjë përveç bukës dhe kamzhikut"

Mohani ishte gjashtë vjeç kur në Bihar, erdhën burra të panjohur. Prindërit e tij po punonin në arë, ndërsa ai po luante. Vizitorët i premtuan babait të tij një jetë më të mirë për të birin, i thanë se ai do të fitonte mundësinë për të mësuar, për të parë filma dhe se do t'i jepnin madje edhe rroba te reja. I thanë se ai do të fitonte edhe para. Familjes i dhanë 500 Rupa (rreth dy marka e gjysmë gjermane) dhe e morën fëmijën me vete. -"Tri ditët e para më kanë dhënë ushqim të mirë", kujtohet Mohani. Pastaj, vazhdon ai, kishte vetëm Çapati (bukë) për të ngrënë. Para nuk kishte marrë asnjëherë. Atë e kishin mbyllur bashkë me 20 të rinj të tjerë në një dhomë me tezgjahë. Vetëm në shoqërimin e rojës së armatosur mund të dilte jashtë për të kryer nevojat personale. Me këngën e parë të gjelit të mëngjesit, fëmijët duhet të zgjoheshin dhe të endnin. Deri sa binte muzgu i parë. Në atë kohë ata nuk mund të shihnin më; përqendrimi në thurje ua kishte dëmtuar të parit. Ata flinin pranë tezgjahëve. "Disa herë jam prerë gjatë endjes. Kur qaja, më rrihnin me thupër", thotë Mohani duke vështruar shenjat në duart e tij.

[Petra Pinzler, në: Die Zeit të 15.09.1995]

Radhitja e mëposhtme jep një vështrim mbi tekstet e tjera rreth temës Të drejtat e fëmijëve:

Vështrim mbi raportimet dhe artikujt e mediave

[Në tekstet përkatëse mund të kaloni duke klikuar mbi lidhjet në tekstin e përmbledhjes së mëposhtme. Me këtë rast hapen tekstet në një dritare të re, pas mbylljes së të cilës do të ktheheni sërish në këtë faqe. Në tekstet përkatëse mund të kaloni edhe përmes linkeve në pjesën e majtë/lart të kësaj faqeje]

1. Teksti, "Problemet e mbrojtjes së të drejtave të fëmijëve" tregon disa nga vështirësitë e mëdha që ekzistojnë me gjithë aprovimin e Konventës mbi të Drejtat e Fëmijës të vitit 1989. Bëhet fjalë për një formulim të shkurtuar të një raporti të Hajko Kaufmanit, zëdhënësit të organizatës gjermane për të drejtat e njeriut ProAsyl. Raporti në fjalë, tregon përmasat e shfrytëzimit të fëmijëve në mbarë botën duke skicuar në këtë mënyrë parahistorinë dhe motivet për aprovimin e Konventës së Kombeve të Bashkuara për të Drejtat e Fëmijëve. Këtë kapitull të dytë, ai ia ka kushtuar rastit tepër problematik të fëmijëve refugjatë, duke marrë si shembull gjendjen e fëmijëve refugjatë në Gjermani. Sjellja me refugjatin e mitur Pit, sqaron problemet e procedurës gjermane të azilit - edhe në rastet kur azilkërkues janë fëmijët.

2. Teksti i dytë, është nxjerrë nga një deklaratë e organizatës humanitare gjermane për fëmijë terre des hommes. Deklarata në fjalë trajton përmbajtjen thelbësore të Konventës së Kombeve të Bashkuara mbi të Drejtat e Fëmijës, përvojën e realizimit të të drejtave të formuluara në këtë Konventë, e para së gjithash për problemet e mbrojtjes së fëmijëve.

3. Teksti i tretë më i zgjeruar përmban pjesë të nxjerra nga raporti i terre des hommes i vitit 1999, me rastin e dhjetëvjetorit të aprovimit të Konventës mbi të Drejtat e Fëmijës: "Një dekadë për fëmijët". Teksti në fjalë përmban kapituj mbi parimet themelore, përmbajtjet dhe risitë e konventës, bilancin (shqetësues) dhjetë vjet pas aprovimit të saj si dhe studime të ndryshme dhe shembuj të shkeljeve të të drejtave të formuluara në Konventën mbi të Drejtat e Fëmijës, të regjistruara gjatë aktivitetit të "terre des hommes" (në Haiti, Indi etj.). "Terre des hommes" jep propozime për mbrojtje më efektive të të drejtave të fëmijëve dhe përcakton dhjetë parimet e sjelljes me fëmijët.

4) Artikujt e mediave me shembuj të shkeljeve të të drejtave të fëmijëve dhe tekstet e tjera kritikojnë realizimin e mangët të Konventës mbi të Drejtat e Fëmijës. Përveç kësaj, në këtë pjesë mund të gjeni edhe tekste rreth çështjes se çfarë mund të bëhet për të parandaluar punën e fëmijëve. Prezantohen edhe iniciativat e suksesshme ndërkombëtare kundër punës shfrytëzuese të fëmijëve.

5) Faqja "Citate" përmban fotografi dhe citate rreth temës: Të drejtat e fëmijëve.

[Kreu i faqes] [Faqja startuese Të drejtat e njeriut] [Fotografi ekspozuese]

Temat: Të drejtat e njeriut  I Modele I Demokracia I Partitë I Evropa I  Globalizimi I Kombet e Bashkuara I Qëndrueshmëria

Metodat:    Didaktika politike    II    Pedagogjia e paqes    II    Metodat



Kjo ofertë Online mbi edukimin politik u zhvillua nga a gora-wissen, Shoqata e Shtutgartit për përçim dijesh përmes mediave te reja dhe edukimit politik. Në rast pyetjesh apo vërejtjesh drejtohuni Ju lutem te ne.