Shtypi

Të drejtat e njeriut

Të drejtat e fëmijëve

Raporte të mediave rreth temës Të drejtat e fëmijëve

Në këtë faqe mund të gjeni artikuj të shkurtër të mediave dhe shembuj të shkeljeve të të drejtave të fëmijëve si dhe kritika që kanë të bëjnë me zbatimin e mangët të Konventës mbi të Drejtat e Fëmijës. Veç kësaj, këtu do të gjeni edhe tekste, të cilat janë një pikënisje për mundësitë e luftimit të shfrytëzuese të fëmijëve si fuqi punëtore:

	ProAsyl kritikon trajtimin e fëmijëve refugjatë		Puna shfrytëzuese e fëmijëve
	Kërkohet përparësia e mirëqenies së fëmijës		Fëmijët ushtarë
	Bilanci i UNICEF-it, shumë trishtues		"Rugmark, me garanci pa punë të fëmijëve"
	Dy milionë fëmijë të vrarë		Futboll pa shfrytëzimin e fëmijëve
	Malli fëmijë

dpa, 3.4.98

Pro Asyl kritikon trajtimin e fëmijëve refugjatë

Bonn (dpa) Sipas mendimit të organizatës humanitare, Gjermania shkel Konventën e Kombeve të Bashkuara mbi të Drejtat e Fëmijës. Përfaqësues të Pro Asyl-it, kanë kritikuar qeverinë gjermane, e cila sipas tyre nuk ndërmerr asgjë për parandalimin e kufizimit të të drejtave të fëmijëve për shkak të dëmtimit social, varfërisë, paaftësisë apo prejardhjes së huaj. Sipas shoqatës në fjalë, fëmijët refugjatë në veçanti janë viktimë e shkeljeve masive të të drejtave të fëmijëve, që është në kundërshtim me Konventën e Kombeve të Bashkuara. Dëbimi i fëmijëve që kanë paraqitur kërkesë për strehim (azil), sipas shoqatës Pro Asyl tregon se zyrat gjermane, në vend të së drejtës për azil praktikojnë të drejtën për mbrojtjen nga të huajt.

[Kreu i faqes]

Frankfurter Rundschau, 4.4.1998

Kërkohet përparësia e mirëqenies së fëmijëve

Rasti i 17 vjeçares Neshe tregon sipas Pro Asyl, politikën kufizuese të shtetit gjerman

(nga Jërg Shindler)

Sipas mendimit të aktivistëve të të drejtave të njeriut, në raport me fëmijët refugjatë, Gjermania shkel në mënyrë flagrante normat ekzistuese ndërkombëtare.

Frankfurt/Main 3 prill. Sipas fjalëve të përfaqësuesve të shoqatës Pro Asyl dhe "National Coalition" në Gjermani praktikohet në parim një "E drejtë për të huajt, e keqkuptuar si e drejtë për mbrojtje nga të huajt" para mirëqenies së fëmijëve. Sipas njoftimeve të së premtes së kaluar në Bon, të organizatave të sipërpërmenduara, edhe gjashtë vjet pas ratifikimit të Konventës së Kombeve të Bashkuara mbi të Drejtat e Fëmijës nga Gjermania, fëmijët në në këtë vend dëbohen nga vendi në rrethana të dyshimta. Me anë të një aksioni kartolinash, "Coalition", pjesë e të cilit janë 100 shoqata, ka vendosur t'i tërheqë vëmendjen opinionit për "shkeljet e rënda" të së drejtës ndërkombëtare.

Sipas mendimit të zëdhënësit të Pro Asyl-it, Hajko Kaufman, qëndrimi i shumë politikanëve rezulton "cinizëm burokratik, papërgjegjësi e organizuar dhe mungesë e kurajos civile". Rastin e kurdes Neshe Ëzmen, Kaufman e ka cilësuar si "kryevepër të politikës kufizuese të shtetit": 17 vjeçarja Neshe, ishte dëbuar në korrik të vitit 1997 nga qyteti Hajdelberg për në Turqi, edhe pse një numër i madh i anëstarëve të familjes së saj ishin vrarë nga ushtria e atjeshme. Nëna e saj ka qenë e keqtrajtuar dhe varej nga ndihma e të tjerëve. Pavarëisht nga ky fakt, Ministria e Brendshme e Stutgartit e ka dëbuar Neshen nga vendi. Protestat kundër këtij akti, në Hajdelberg nuk kanë pushuar që atëherë. Ministri i Brendshëm Tomas Shojble (CDU), në fillim të vitit ka lëshuar pe dhe i ka premtuar Neshes të paktën dhënien e një vize turistike. Shanset që Neshe ta marr vërtet vizën janë të pakta: Pas paralajmërimit të Neshes për të vizituar Hajdelbergun, Presidiumi i qeverisë së landit të Baden-Vyrtembergut në Karlsruhe vendosi të refuzojë kërkesën për dhënien e vizës. Arsyeja: "Ekziston dyshimi se Neshe nuk kërkon të vijë në Gjermani vetëm për vizitë". Vetëm për këtë arsye, kurdes Neshe, nuk i është mundësuar marrja e vizës.

Pro Asyl dhe "National Coalition" nuk duan të dorëzohen me kaq: Për të nxitur një "zgjidhje humanitare të rastit Neshe", të enjten e kaluar, dy organizatat në fjalë prezantuan dy kopje kartolinash, të cilat duan t'ua dërgojnë ministrave të Brendshëm të Baden-Vyrtembergut dhe Gjermanisë, Tomas Shojble dhe Klaus Kinkel (FDP). Ky i dyti, Konventën mbi të Drejtat e Fëmijës, më parë e kishte cilësuar si një "ngjarje të veçantë" në historinë e Kombeve të Bashkuara. Sipas Kaufman it, këtu bëhet fjalë për një çështje themelore: "Sa i fortë është një shtet, sa e fortë është një demokraci, për të cilën fëmijët përbëjnë një rrezik të hapur, dhe e cila ndjen nevojën e ekzekutimit të plotë të fuqisë së ligjit ndaj fëmijëve, duke i dëbuar ata me dhunë në një të ardhme të pasigurt?"

[Kreu i faqes]

Cornelia Schmitz, në: Das Parlament Nr. 52-53, 24./31.12.1999

Bilanci i UNICEF-it

Shumë trishtues

Me rastin e përfundimit të vitit dhe patronazhit të qytetit të Berlinit mbi UNICEF-in, presidenti i shtetit Gjerman, Johanes Rau, Rajnhard Schlagintvajt, kryetari i Komitetit Gjerman të UNICEF-it Karol Belami, drejtoreshë ekzekutive e UNICEF-it dhe ambasadori i UNICEF-it, Sër Peter Ustinov, prezantuan më 31 dhjetor 2000 raportin e gjendjes "Fëmijët në botën 2000".

Sipas Schlagintvajtit, janë arritur shumë nga qëllimet e Kongresit për Fëmijët të vitit 1990, si ulja e vdekshmërisë së fëmijëve dhe nënave, ulja e analfabetizmit apo sigurimi i arsimit fillor. Megjithatë, sipas tij, dallimet mes varfërisë dhe pasurisë rriten gjithnjë e më tepër: "Dy të tretat e fëmijëve janë të detyruar të jetojnë me më pak se dy dollarë në ditë (...) Qeveritë nuk përmbushin detyrimet e tyre, Konventa mbi të Drejtat e Fëmijës nuk zbatohet", ka kritikuar Schlagintvajt. Përveç kësaj, UNICEF-i kërkon përpjekje të mëdha politike dhe më shumë presion për shkak të rritjes së numrit të konflikteve të armatosura, viktima të para të së cilave janë fëmijët dhe gratë, ka vazhduar kryetari i Komitetit Gjerman të UNICEF-it. Gjysma nga 31 milionë refugjatë dhe të dëbuar janë fëmijë dhe të rinj nën moshën 18 vjeç. Numri i fëmijëve viktima të AIDS-it, në vitin 1998 në Afrikë ka arritur shifrën dy milionë.

Presidenti federal Rau, e ka cilësuar si pikëllues faktin, sipas të cilit duhet ende të tërhiqet vëmendja për të drejtat e fëmijëve. Ai ka shtruar çështjen mbi gjendjen dhe nivelin e një civilizimi, në të cilin fëmijët përdoren si ushtarë, punëtorë apo si objekte prostitucioni.

Drejtoresha ekzekutive Belami ka theksuar se dallimet ndërmjet vendeve të zhvilluara dhe vendeve në zhvillim janë çdo vit në rritje. Sipas saj, nga sëmundjet e shërueshme si fruthi apo sëmundjet e stomakut apo të zorrëve vdesin çdo vit 11 milionë fëmijë. Dëmtimet që shkaktohen te fëmijët si rezultat i kujdesit të pamjaftueshëm shëndetësor, arsimimit dhe ushqimit të pamjaftueshëm si dhe mungesës së ujit të pijshëm, sipas Belami ndikojnë në zhvillimin e një shoqërie, pasiqë ato grabisin potencialin e saj njerëzor. Ajo ka kërkuar shfrytëzimin e mundësive që u janë ofruar nëpërmjet Konventës mbi të Drejtat e Fëmijës dhe krijimit të strukturave për zbatimin e të drejtave të fëmijëve dhe ka bërë të qartë se planet dhe instrumentet për realizimin e tyre ka kohë që janë përpiluar, por duhet të zbatohen në praktikë.

[Kreu i faqes]

Stuttgarter Zeitung, e datës 16.09.1999

Dy milionë fëmijë të vrarë

Dhjetë vjet pas aprovimit të Konventës së Kombeve të Bashkuara mbi të Drejtat e Fëmijës, terre des hommes, ka nxjerrë një bilanc trishtues. Sipas saj, që nga viti 1989, në botë janë vrarë dy milionë fëmijë në luftëra apo konflikte, rreth gjashtë milionë të tjerë janë plagosur. Nga traumat e luftës vuajnë dhjetë milionë fëmijë.

[Kreu i faqes]

Stefan Klein, në Süddeutsche Zeitung të datës 24./25.08.1996

Malli fëmijë

Në Sri Lanka besohet të ketë 17.000 fëmijë që merren me prostitucion, në Tajlandë (të paktën 200.000), Indi (400.000) dhe në Filipine (60.000). Siç shihet nga këto shifra, numri i atyre që i keqpërdorin fëmijët, është i madh. Për "punën" e tyre të ndyrë, ata madje as që janë të detyruar të harxhohen financiarisht.

(...) Shfrytëzuesit për një kohë të gjatë nuk kishin as nevojë të trembeshin se do të dilnin para përgjegjësisë për veprën e tyre. Një polic nga Sri Lanka p.sh. ka deklaruar: "Si ta burgos një të bardhë, kur edhe në qoftë se nis procesi gjyqesor, gjykatësi është shpesh shumë zemërgjerë kundrejt të pandehurit? (...) Megjithatë, koha e këtyre personave perversë dalëngadalë po merr fund. Çmimi për veprën e tyre të ndyrë rritet gjithnjë e më tepër.

[Kreu i faqes]

Süddeutsche Zeitung e datës 17.09.1996

Puna shfrytëzuese e fëmijëve

Organizata "terre des hommes" dhe UNICEF-i kanë tërhequr vëmendjen për shfrytëzimin e më shumë se njëqind milionë fëmijëve në botë përmes punës së tyre. Me rastin e Ditës Botërore të Fëmijës, të premten e ardhshme, përfaqësuesit e këtyre dy organizatave në Bon të Gjermanisë janë shprehur kundër thirrjeve të "padiferencuara" për bojkotimin e produkteve nga puna e fëmijëve dhe kundër kërkesës për ndalime të përgjithshme. Në vend të kësaj, ata kanë propozuar luftën kundër punës së fëmijëve nëpërmjet ofrimit të mundësive më të mëdha për arsimim, rregullave të mbrojtjes në punë dhe një shqyrtimi kritik të sjelljes së konsumatorëve në vendet industriale.

Sipas supozimeve të organizatës botërore, në botë momentalisht punojnë më shumë se 200 milionë fëmijë nën moshën 15 vjeç. Sipas Petra Boklser (terre des hommes), në fund të dhjetëvjeçarit, numri i tyre pritet të rritet në 375 milionë fëmijë, të cilët punojnë si pastrues këpucësh, gazetashitës, punëtorë bujqësie, në industrinë e qilimave apo në miniera. Puna e fëmijëve, sipas saj është rezultat i varfërisë dhe mungesës së alternativave. Ajo e ka quajtur urgjent ndalimin e rrethanave shfrytëzuese për fëmijët si prostitucionin, punën e detyrurar dhe skllavërinë. Kjo do të mundësonte perspektiva sociale dhe ekonomike, si dhe rehabilitimin mjekësor të fëmijëve të dëmtuar. Sipas Bokslerit, rreth 40 % e fëmijëve janë të detyruar të punojnë për të financuar arsimimin e tyre.

[Kreu i faqes]

Kindsoldat

[Fotografia është nxjerrë nga një broshurë informative e organizatës Kindernothilfe]

Süddeutsche Zeitung, e datës 12.11.1996

Fëmijët ushtarë

Numri i fëmijëve të detyruar në luftë po shtohet gjithnjë e më tepër. Sipas një studimi të Komisariatit të Kombeve të Bashkuara për Fëmijët (UNICEF), të publikuar të hënën e kaluar në Bon, një ndër shkaqet e rritjes së numrit të fëmijëve ushtarë është "disponimi masiv" i armëve të lehta, të cilat janë të lehta për t'u përdorur nga fëmijët. UNICEF ka kërkuar ngritjen e moshës rekrutuese në 18 vjeç dhe çmobilizimin e të miturve. Sipas studimit të parë të Kombeve të Bashkuara mbi fëmijët në luftë, të paraqitur nga ish ministrja e Arsimit të Mozambikut, Graca Machel, në fund të viteve 80-të ishin të angazhuar si ushtarë 200.000 fëmijë.

Në luftën cilvile në Liberi kanë luftuar 18.000 fëmijë. Fëmijët ushtarë konsiderohen si rekrutuar me lehtësi, pa pretendime dhe të guximshëm. Sipas publikimit në fjalë, në Liban dhe Sri Lankë, fëmijët janë detyruar të paraqiten si komando vetëvrasëse. Sipas të dhënave të Kombeve të Bashkuara, në Ruandë për herë të parë në histori, fëmijët janë gjendur përballë akuzës për pjesëmarrje në genocid.

[Kreu i faqes]

Petra Pinzler, në Die Zeit të datës 15.09.1995

"Rugmark, i garantuar pa punën e fëmijëve"

Askush nuk e di me saktësi se e kujt ishte ideja: Ishte Suman, punëtorja socialee angazhuar? Aktivisti politik Kailash? Apo ishin miqtë nga Gjermania, ndihmësit e "terre des hommes", Brot für die Welt dhe Misereor? Ideja lindi papritur - ideja e luftës kundër shfrytëzimit të fëmijëve nga India me ndihmën e konsumatorëve gjermanë!

Ndihma iu duhej ofruar së pari thurësve të qilimave. Vetëm në Indi, në fabrikat e qilimave punojnë ditë e natë 300.000 fëmijë, duke rrezikuar kështu shëndetin e tyre. Për të ndryshuar këtë, aktivistët për të drejtat e fëmijëve, kanë themeluar një fondacion për kontrollin e prodhuesve, të cilët heqin dorë vullnetarisht nga puna e fëmijëve, duke mbajtur vulën në qilim me mbishkrimin: "Rugmark, i garantuar pa punën e fëmijëve". Në këtë mënyrë, blerësit kanë mundësinë të tregojnë se sa të rëndësishme e konsiderojnë çështjen e moralit sipas motos: Në ekonominë e tregut për blerjen e një produkti vendos konsumatori, e në këtë mënyrë edhe për kushtet e prodhimit.

[Kreu i faqes]

Petra Pinzler und Nikolaus Piper, in: DIE ZEIT vom 06.12.1996

Futboll pa shfrytëzimin e fëmijëve?

Shumë topa, me të cilët luajnë sportistët evropianë prodhohen në Sialkot të Pakistanit dhe jo rrallë nga fëmijët. Grupet e të drejtave të njeriut kanë ngritur shpesh zërin kundër kushteve të punës, siç është rasti i Kristian Aidit, kohët e fundit para FIFA-s, Federatës Ndërkombëtare të Futbollit. FIFA doli e turpëruar pas protestës, sepse ajo nuk mund të përjashtonte mundësinë se mes furnizuesve të kampionatit botëror nuk gjenden edhe ndërmarrje, të cilat përfitojnë duke shfrytëzuar punën e fëmijëve. FIFA rrezikoi kështu të humbte imazhin.

Ndërkohë, funksionarët e futbollit nuk kanë më nevojë të shqetësohen nga mundësitë e protestave të reja. Takimet mes të aktivistëve të të drejtave të njeriut, UNICEF-it, FIFA-s dhe prodhuesve të artikujve sportivë sollën rezultate: Ata kanë paralajmëruar nënshkrimin e një kodi dhe vendosjen e një vule të veçantë. "Ata që dëshirojnë të mbajnë vulën tonë në produktet e tyre, duhet të plotësojnë kritere të caktuara", është shprehur sot Flavio Bataini nga FIFA. "Ne duam ta ndërpresim punën e fëmijëve në industrinë e topave", ka thënë Stefen Rubin nga ndërmarrja për prodhimin e artikujve sportivë Pentland.

[Kreu i faqes] [Faqja startuese Të drejtat e njeriut] [Fotografi ekspozuese]

Temat: Të drejtat e njeriut  I Modele I Demokracia I Partitë I Evropa I  Globalizimi I Kombet e Bashkuara I Qëndrueshmëria

Metodat:    Didaktika politike    II    Pedagogjia e paqes    II    Metodat



Kjo ofertë Online mbi edukimin politik u zhvillua nga a gora-wissen, Shoqata e Shtutgartit për përçim dijesh përmes mediave te reja dhe edukimit politik. Në rast pyetjesh apo vërejtjesh drejtohuni Ju lutem te ne.